Quen é o responsable das farolas na rotonda da Fontela

Xa hai unha semana que no entorno da rotonda da Fontela non funcionan polo menos 14 farolas. A zona do paso de peons de 25 Xullo está totalmente a escuras co risco que iso implica. O curioso da situación é saber quen e o encargado do seu mantemento. Os veciños comunicamos a situación o concello de Maside e alí din que xa trasladan o asunto os de mantemento da Autovia, o vixiante da Autovia di que agora a rotonda e responsabilidade do centro de mantemento de Villamarin o que pertence a N-541, o vixiante da N-541 di que iso é responsabilidade municipal que eles levan o mantemento da carretera pero non teñen electricistas. Ver para creer, haber quen se fai cargo ou toma a iniciativa neste asunto. Aproveito para recordar que faltan, polo menos dende hai un ano, duas farolas, que foron derribadas en distintos sinistros. A farola central da rotonda ten fundidas a metade das luces e o resto de farolas sufriron distintos danos neste último temporal, e a moitas delas faltanlle pezas de remate e outras están a piques de caer, co risco que implica para a xente que vai mercar o supermercado.