Sen iluminación pública nos Carrís-Leiro
DEsde o BNG de Leiro vimos de presentar un escrito no concello solicitando que se nos explique por qué hai máis dun mes que algunhas rúas do barrio dos Carrís de Leiro está sen iluminación pública.
Entendemos que o concello debe garantir os servizos básicos dos veciños e veciñas e denunciamos esta falta de iluminación, no que é o barrio máis habitado do concello.
Consideramos intolerábel que desde o concello se anuncie, en diferentes medios de comunicación, o acondicionamento do mesmo, co arranxo de paseos, reasfaltado e canalización de augas pluviais como un intento de humanización do barrio, mentres a veciñanza está sen luz pública desde hai máis dun mes.
Desde o BNG exiximos que se resolva esta situación coa maior brevidade posíbel para minimizar os trastornos causados á poboación que habita nos Carrís. .
