A Praza das Monxas, perigo público

A praza das monxas unha das máis céntricas prazas da nosa vila é 
actualmente un perigo público por que alí os rapaces xogan á pelota sen 
control ningún, pois os viandantes que por alí pasamos nos vemos obrigados 
a facelo con moitísimo coidado non sexa que cando menos o esperas che veña 
accidentalmente un soberano pelotazo directo á cara xa que os rapaces que 
alí xogan á pelota aparte de mala puntería non deteñen o seu xogo cando a 
xente pasa por esta praza. Ademais os transeúntes non son os únicos que 
reciben pelotazos xa que as farolas, as fiestras da parte posterior da casa 
dos Quiroga e as persianas do colexio das monxas son tamén diana das pelotas 
que lanzan os rapaces o que provocou que xa se romperan varias farolas desta 
praza e varios cristais das fiestras dos edificios colindantes. Non é que me 
opoña a que os rapaces xoguen nesta praza, pero coido que xa é hora que as 
autoridades municipais tomen cartas no asunto impedindo que os rapaces xoguen 
á pelota nesta praza na cal xa teñen dado bos pelotazos a máis de un 
viandante que pasa por ista praza por que a este paso só é cuestión de 
tempo que lle rompan os escaparates de algún negocio desta praza ou lle dean 
tal pelotazo a alguén para que haxa que lamentar algunha desgraza. Señores 
gardas municipais dense unha volta de cando en cando por esta praza e 
disuadan os rapaces que xogan á pelota nela por que, e creo que falo en nome 
de todos dos que por alí pasamos habitualmente, xa está ben de que teñamos 
que pasar por esta praza mirando hacía tódalas partes esquivando pelotazos 
como se estivésemos nunha zona de guerra.