SOS Avenida de Compostela

Unha vez máis, os veciños desta avenida, sufrimos este domingo, a iso das 
09:00 da mañá, unha nova inundación das nosas vivendas. Xa que desde que 
se fixeron as obras famosas, cada vez que chove, MOITO OU POUCO,esta rúa 
queda totalmente inundada e chea de terra e lixo. A solución nesta vez foi 
colocar unhas cintas co fin de impedir que os coches pasaran e perxudicar 
aínda máis ós veciños, pero a falta de civismo fixo que as romperan 
varias veces, facendo caso omiso das mesmas. A parte diso (que parece que 
algo lles importamos), teñen pensado tomar medidas co responsable de que se 
encha todo de terra, e atasque o alcantarillado?,(que todos sabemos quen é), 
e teñen pensado tomar medidas co responsable das obras? xa que moito falar 
de depuradoras e logo permítese que nunha obra de reurbanización dunha vila 
como o Carballiño, non se separen as augas fecais das augas pluviais, como 
se debería facer. Por favor ,que alguén nos axude a poder vivir tranquilos 
, xa que cada vez que chove temos que estar preparados para que non se nos 
enchan as casas de lixo e de auga.Non é necesario ver nas noticias riadas e 
inundacións, xa que as temos aquí veciños na avenida de Compostela.Por 
favor, que alguén dé as instruccións para que se proceda a limpar a rúa e 
as aceras de barro e lixo cada vez que se inunda isto, xa que da noxo pasar e 
logo métese todo nas casas.E agora a pagar a contribución, tendo que vivir 
así, cheos de suciedade e temendo que se che inunde todo.Que nos digan, por 
favor, que van a arranxar esta desfeita, aínda que sexa unha mentiriña 
electoral. GRAZAS.

   Imaxe: