Fumega sustituirá a Dopazo como Secretario Local do PSOE carballiñés

No transcurso da semana vindeira reuniráse a asemblea de afiliados para proceder á renovación da executiva local do PSdG-PSOE, igual que o farán antes do 10 de xullo o resto das agrupacións locais socialistas.

O actúal portavoz do grupo municipal no concello do Carballiño, Paco Fumega, avanzou  a presentación da súa candidatura ao cargo de secretario local coa idea "de implicar a unha boa parte da sociedade carballiñesa nun proxecto que pensamos que ten que ser ilusionanante, un proxecto que pensamos que ten que crear un programa electoral que permita que O Carballiño dentro de 3 anos salga do impasse no que se atopa", suliñou.

Fumega chegou mesmo a calificar como "situación de bloqueo institucional que sufre O Carballiño desde Santiago" e como exemplo do mesmo puxo o proxecto da obra no contorno da Veracruz "que nin está nin se lle espera, dando unha imaxe aos turísticas dun pobo desastroso que perdeu o rumbo e non sabe onde vai", afirmou.

Desta maneira, os socialistas do Carballiño volven apostar por Paco Fumega, xa o fixeron como cabeza de cartel nas pasadas eleccións municipais e volven a facélo agora confiándolle o máximo cargo orgánico do partido a nivel local, en sustitución de Guillermo Dopazo.