A Xustiza obriga a Novagalicia Banco a devolver a unha familia carballiñesa 72.960 euros de participacións preferentes e subordinadas

Trátase da contía máis elevada en Galicia que unha sentencia xudicial obriga a devolver dende que comezou esta problemática.

O fallo da sentencia do xulgado carballiñés declara a nulidade dos contratos "órdenes u operaciones en virtud de las cuales se les adjudicaron a los demandantes los citados productos bancarios". Según deu a coñecer o abogado Lisardo Núñez, da Asociación de Usuarios de Servicios Bancarios ( Ausbanc), que representou a esta familia de emigrantes carballiñeses, ademáis de devolver integramente os 72.960 euros investidos en participacións preferentes e débeda subordinada, a entidade bancaria é condenada a pagar os xuros devengados dende a sinatura do primeiro documento no ano 2004, e tamén ao pagamento dos gastos do procedemento xudicial.

O letrado explicou que este matrimonio de emigrantes carballiñeseses "eran clientes de toda a vida da Caixa de Aforros de Ourense e despois pasan a ser clientes de Caixanova, aos que un verán ofrecéceselles un producto que lle presentan como un privilexio para os mellores clientes e de máis antigüidade". O abogado de Ausbanc subliñou que "ata en tres ocasións distintas lle foron poñendo ao seu nome preferentes e subordinadas sin que nin xiquera se preocuparan de cumprir coa formalidade aparente de asinar esas órdes de compra presuntas aos clientes".

A sentencia xudicial recolle que "nunca ha existido contrato porque para que exista contrato tiene que existir un consentimiento sobre aquello que las partes presuntamente están contratando".