Alertan do perigo de incendios debido "a deixadez do rural carballiñés"

O grupo socialista anuncia a presentación dunha moción ante ao pleno da corporación municipal na expón "a gravidade desta problematica" e urxe medidas urxentes.

"Xa no mes de xullo e cunha climatoloxía propia deste tempo vemos como todas as zonas rurais están absorbidas pola vexetación, que inza estradas, camiños e zonas de ocio e esparcemento", afirman os socialistas.

Manifestan, ademáis, que "non e xa cuestión de estética ou de incomodidade para os veciños, senón que é unha custión de seguridade, está máis que claro que a xestión é nula e a insconsciencia do noso alcalde acada límites perigosos".

Dende o grupo socialista califican como de "despropósito" tanto a falla de prevención como a escasez de medios humanos para facer fronte aos incendios "coa selección de brigadistas para a extinción de lumes sen facer, coa situación laboral dos Grumir sen resolver e sabendo que o parque de bombeiros non ía estar rematado".