Os Socialistas poñen a rúa Aquilino Sánchez como exemplo "das chapuzas deste concello"

O portavoz do grupo municipal socialista denunciou a pe de rúa o calamitoso estado deste vial,  recollendo "as reiteradas queixas de veciños e automobilistas".

A obra de acondicionamento da calzada fora contratada polo concello do Carballiño a unha empresa, un proxecto que según os socialistas "tivera un coste de 40.000 euros, e que foi recepcionada polo alcalde aínda tendo en conta un informe negativo do arquitécto municipal", asegurou Paco Fumega.

No transcurso dos últimos meses, acometeronse traballos para correxir a problematica, con varios asfaltados sucesivos. Non obstante, a problemática persirste "esto é absolutamente terceiromundista, temos un problema moi serio, estas son as chapuzadas deste concello, é a sexta vez que denunciamos esto, xa o fixemos no pleno, en comisións e na prensa, e agora volvemolo facer", sentenciou Fumega.