Contenedores insalubres no concello de Leiro

O Grupo Municipal Socialista no Concello de Leiro, vén de denunciar o lamentable estado no que se atopan os contedores do lixo, que se ven obrigados a usar todos os veciños e veciñas. Segundo puideron observar, os contedores levan sen limpar máis de 2 anos, o que conleva un estado de insalubridade insoportable. A veciñanza do Concello ten que lidiar, día a día, ao tirar o lixo, cunha imaxe, olor e condicións que son intolerables. Dase a circunstancia, tal como denuncia o Portavoz socialista, Manuel Rodríguez, que o Concello de Leiro destina uns 70.000 Euros ao ano ao servizo de recollida do lixo por parte da Mancomunidade do Ribeiro, servizo no que está incluido o mantemento e limpeza dos contedores. A pesares desa cantidade de recursos públicos, aportados por todos os veciños e veciñas mediante o pago dos seus impostos, os contedores teñen un aspecto lamentable e insalubre, puidendo ocasionar poblemas de saúde pública. Agora que imos para o verán, a pesares da inestabilidade climatolóxica destes días, a situación non vai facer máis que empeorar. Así mesmo, cómpre destacar, que o Alcalde de Leiro é, á súa vez, Presidente da mencionada Mancomunidade, sen que este feito axude, no máis mínimo, a que poña unha especial dedicación aos servizos que debe dar ao Concello que preside. No canto de antender as súas obrigas para cos habitantes de Leiro, o Alcalde dedícase, nestos días, a facer campaña e viaxes pola provincia enteira co obxecto de acadar, de novo, o posto de Senador nas vindeiras eleccións e así perpetuar o seu bo status político e económico. Dende o Partido Socialista, queren lembrarlle a Paco Fernández que a súa prioridade debe ser Leiro e os seus veciñas e veciñas,que, relixiosamente, pagan os seus tributos municipais para manter servizos que lle son dados dun xeito nefasto, sen respecto polos seus dereitos coma cidadáns.