Maside: A chapuza da calle Pousiña

O día 6 de xaneiro denunciaba a chapuza da calle Pousiña de Maside. Afortunadamente o sentido común fixo que o día 8 o Concello puxérase a obra. E xa que estamos a tempo, non estaría de máis que se fixera o posible pra facer as cousas con "sentidiño".

A máquina parou o mesmo día que comezou o arranxo. Se a excusa de que a máquina pare é o mal tempo, non ten sentido que empezase ese día, porque o tempo non era moi bo.

Entendo que ao "Sr. Alcalde" como o chama o flamante novo candidato da oposición, non lle resulte cómodo ver este tipo de fotodenuncias que lle fastidian o seu marketing propagandístico, pero non estaría de máis que se aclarase porque cando fixo a súa propaganda o 21 de setembro, estas obras viñan da Deputación (Plans Provinciais), http://www.laregion.es/articulo/o-carballinho/maside-invierte-82000-euro... e na nova propaganda de onte semella que é a Administración europea a que corre con todos estes gastos (como lle gusta falar de Europa...) http://www.laregion.es/articulo/o-carballinho/maside-prepara-asfaltado-p...

Pero deixémonos de politiqueos, cando fas unha obra aínda que sexa con cartos públicos, hai que fiscalizar con dilixencia os traballos da empresa adxudicataria. Se asfaltas, e produces un desnivel entre o asfaltado e as alcantarillas, dunhos sete centímetros, cada vez que as rodas dos coches pasen polas alcantarillas, vanse queixar as rodas e o coche. Por non falar do desastre cando se acumule lixo, e as alcantarillas deixen de absorver as pluviais.

E outra cousa, a valla que protexe a excavadora, estaría mellor a unhos metros, cunha cinta reflectiva, se o que se quere é protexer a un coche que veña despistado, pero se se quere protexer a excavadora do impacto do coche, está ben onde está.

Como pedirlle a oposición que mire por estas cousas é moito pedirlles tendo en conta de que andan moi ocupados deliberando sobre a ignominia do Sr. Alcalde de non poñerlles os plenos os mércores, teremos que ser os veciños os que miremos se en Aldeiñas, Reguenga, Lobada, Ribiñas, Ribas, Dacón, Faquín y Sueirexa, estas obras foron tan chapuceras.

Agardando que esta excavadora non bote dous meses como a plancha metálica que agochaba o buraco, reiterar que aínda se está a tempo pra que a empresa adxudicataria corrixa os vicios ocultos tanto desta calle, como dos que podan existir no resto de núcleos de poboación.