Trilerismo recadatorio

Este asuntillo do servizo de recadación do Concello do Carballiño é a puntita do iceberg. Un servizo de recadación semipúblico/semiprivado, no que o alcalde se comprometera a facelo totalmente público pra salvar unhos orzamentos -acordo con Alternativa Veciñal En Marea- pero que mantén eminentemente privado porque os seus tentáculos na parte privada -os familiares- fan máis cómodo teledirixir electoralmente este servizo.

Queda patente que:

1º) Xugouse electoralmente co servizo de recadación -non poden vir agora reclamando algo de catro anos atrás sen notificalo antes posto que non aplicaron procedemento administrativo ningún, actuando pola calada sen seguridade xurídica ningunha, o que supón un CACICATO EN TODA REGLA.

2º) A festa electoral de subvencións a tuti plen -incremento descomunal de subvencións concedidas a asociacións en período electoral- rematou e non sae gratis, os cartos non caen do ceo e alguén ten que pagalos. Non serán os concelleiros os que asuman a carga das súas propias decisións megalómanas posto que tamén hai un incremento descomunal nos custes do grupo de goberno por adicacións totais, parciais e outras herbas.

3º) Da comezo un novo periplo político que promete ser apaixoante, no que con toda probabilidade chegaremos a coñecer a verdadeira cara de Fumega e o fumegato. E as contas do Concello nos vindeiros anos sacarán esta auténtica cara. Mentres tanto quedan no aire as seguintes cuestións: ¿Manterá nestes catro anos o incremento descomunal de subvencións a asociacións, ou xa o fixo todo conceguindo o seu obxectivo electoral? ¿O criterio de condonación das deudas tributarias será axustado a dereito ou seguirá sendo discrecional como as concesións e incrementos de subvencións a asociacións?

ESO SÍ, FUMEGA PROBABLEMENTE SEXA TAN BOA PERSOA QUE HAXA QUE CANONIZALO

E aos do PP habería que nomealos xestores de honor e perpétuos da Festa do Pulpo, e feligreses do canonizado Fumega porque din que están para axudar tan brillante xestión, e non din nin mu deste dantesco trilerismo do servizo de recadación, e eso que fixeron gastar unhos bos cartos nunha auditoría que xa revelaba todo este tinglao, e non fixeron nada porque eles "Están para axudar" tanto cando gobernan como cando non. MERECEN SER BEATIFICADOS.