EN RESPOSTA O COMENTARIO DO TRACTOR
Non quero entrar en polémicas porque está visto que cada persoa opina dun xeito e ve as cousas dende o seu punto de vista. Aquí xa houbo un comentario en contra das sereas as oito da tarde. Agora é a velocidade de traballo do tractor desinfectante... como sigamos así tamén van molestar as bombas de palenque das 10 da mañá nas festas do Setembro.
Hai que ser obxectivo a hora de facer calquer comentario e ter un mínimo de coñecementos do que se fala pra que non quede un "retratado" como dín nese programa deportivo...
Segundo dí o veciño o tractor desinfectante recorreu os 100 metros da súa rua en apenas 4 segundos. Ten razón, ía rápido de carallo, non sei si sabe que recorrer esa distancia no tempo que dí este veciño son 90 km/h
Alguén viu un tractor circular a esa velocidade?
Para empezar os tractores non poden circular a máis de 40km/h en carretera.
Polo tanto se ía entre 36/40 km/h levoulle 10/11 segundos percorrer esa rua de 100 metros e non os 4 segundos que se dí na crítica. A diferenza é bastante notoria.
En relación a calidade da desinfección coa velocidade de traballo da máquina, hai moitos factores que influen niso. Nos viñedos van máis a modo porque o terreo polo que circulan e terra e polo tanto tamén máis perigoso. Non é o mesmo aplicar fitosanitarios cando a rama é pouca que a finais de agosto cando as vides están no seu esplendor. Tamén hai que ter en conta a viscosidade do producto a aplicar...
Non se trata de regar as ruas con canta máis agua e lexía mellor. Hai unha proporción dos dous productos que hai que respetar. O que leva o tractor non son aspersores, é un atomizador que crea unha nube moi fina que impregna e envolve todo dese producto ata unha certa distancia. Non por mollar máis limpas mellor.
Máis sentidiño a hora de falar.
O importante;
Moitas gracias de corazón a eses tres tractores que viñeron desinfectar as nosas ruas. Algúnha vez vinnos marchar case as 23:00 horas dende a miña ventá.
E de paso viva o Ribeiro!
Un veciño da rua Ourense
