O concello de Leiro agarda a colaboración da Confederación Hidrográfica para a mellora da praia e zona fluvial do Río Avia

As condicións meteorolóxicas favorables deste verán incrementaron en gran número os bañistas que a diario viñeron acudindo ata a praia fluvial de Leiro para darse un baño nas augas do río Avia.

O alcalde da localidade, Francisco José Fernández, deu a coñecer un proxecto de mellora para esta zona e para o que agarda os permisos e financiación da Confederación Hidrográfica do Miño-Sil "fai aproximadamente un ano que xa presentamos un proxecto municipal á Confederación coa idea de acondicinar tanto a zona de baño como outros aspéctos, o certo é que a pandemia impediunos avanzar neste proxecto como nos houbese gustado, pero se non pode ser nos orzamentos deste ano espero que sexa nos do ano próximo", subliñou o rexedor municipal.

A actuación prevista polo concello para esta zona inclúe a instalacións de dous pantaláns, colocacion de duchas e iluminación, ademáis da ampliación do areal existente.