O camión de reparto do Mercadooona, Mercadooona

A traves desta liñas quero denunciar, publicamente, as malas prácticas que leva a cabo o conductor do camión de reparto do Mercadona, xa que este bo señor ten dende fai bastantes anos o perigoso costume de entrar dende a rotonda que hay en fronte da Casa Azul en dirección aos almacens deste supermercado, situados na Avenida do Balneario, circulando en dirección contraria para facilitar así a descarga do camión.

Este irresponsable costume non é novo, pois este conductor xa o leva facendo alomenos dende fai máis de 10 anos, pois daquela xa me topei a primeiras horas da mañá co camión de reparto de Mercadona circulando en dirección contraria vindo de fronte ao meu coche provocándome varios sustos.

Agora o conductor do camión de reparto non contento con madrugar para incumprir as normas de circulación tamén fai reparto polas tardes facendo exactamente o mesmo: circula en dirección contraria para estacionar diante da entrada do almacén do Mercadona para facilitar a descarga das mercadorias.

Penso que é hora de que as autoridades tomen cartas no asunto para evitar que este camioneiro siga circulando en sentido contrario antes de calquer día pola súa culpa haxa un accidente provocado por este conductor.