17 de Agosto: O coronavirus continúa en caída libre en todos os concellos. O Carballiño baixa aos 37 contaxios activos, e xa están libres de covid Boborás, Leiro, O Irixo, Piñor e Punxín.
O coronavirus continúa desacelerando nesta quinta onda da pandemia na totalidade dos nosos concellos, no do Carballiño quedan 37 contaxios activos según a última actualización de datos que se corresponde con este martes dia 17 de Agosto.
O segundo municipio máis afectado continúa sendo o de Avión, que notifica 12 casos activos. Maside rexistra 5 casos, e Beariz e San Amaro teñen 4 contaxios activos, respectivamente. Con un único caso figura San Cristovo de Cea, e xa sen ningún contaxio activo están os concellos de Boborás, Leiro, O Irixo, Punxín e Piñor.
