Felipe-Senén López Gómez en COPE "aquél proxecto inicial era moi alarmante, deixemos que fale a Veracruz"

O Presidente da Asociación "Adro Novo" amosou a súa satisfacción polos cámbeos introducidos no proxecto para o entorno da Veracruz porque están máis en consonancia coa obra de Palacios e coa esencia carballiñesa fronte "aquél proxecto que se nos presentou fai ano e medio, o intervencionismo non é cousa boa si é agresivo, con grandes muros, esas angulosidades, o excesivo arbolado que estaba previsto, o Espíritu Santo que levamos dentro dínos que eso non está ben, a veces incluso sen estar moi formados culturalmente".

Felipe-Senén López Gómez preside esta asociación creada a partir das movilizacións cidadáns contra aquél proxecto que posteriormente resultou paralizado tras as masivas protestas e a oposición veciñal e do Bispado, que impedíu a continuidade das obras tal como estaban contempladas na zona da súa propiedade, na parte sur do templo. O historiador e experto na obra de Palacios e a Veracruz suliñou unha e outra vez a importancia dos cámbeos feitos no proxecto porque "o que se pedia era evitar todo ese intervencionismo feroz, que falase o propio templo, e o fin e o cabo parece que é o que vai indo para diante, agora preocúpame especialmente as rúas, que deben estar dentro da política semi-peonil e de tráfico lento, porque é unha gran área para convivir, a praza que o Carballiño necesita para os grandes eventos, encontros, festas..", desta maneira referíuse tamén a orixe do Carballiño "que nace como un Carrefour, que é un econtro de camiños, donde nace a feira, a romeria, e se eso desaparece, O Carballiño quedaría sen ese punto de encontro, perdería a súa propia esencia, ese gran espazo onde expresarse, porque a praza do Concello xa quedou insuficiente, e eso xa o contemplaba Palacios, un espazo reconvertible en calquera momento, e o que se vai facer agora está máis preto desto que aquelo que se ía facer ó principio", manifestou.

 Noutro momento da súa intervención radiofónica, e tras referirse á Veracruz como "unha suma teolóxica da arquitectura galega", Felipe Senén recordou que "neste colectivo que se empeñaron en que eu presidise, tratamos de estar sempre da parte dos que o fin e o cabo coñecen o templo mellor ca ninguén, porque foron eles quenes o construiron despois de morto Antonio Palacios, que é a familia Otero", dixo.