Movistar mantén sen servizo ao núcleo de Beariz dende o pasado dia 17, a pesar das reiteradas reclamacións non resolve a avaría

22, Febreiro 2021

O núcleo de Beariz leva sen cobertura de telefonía móbil de Movistar desde o pasado mércores 17 de febreiro. Reiteradas chamadas de veciños e autoridades a Movistar reciben atención lenta e respostas vagas pero non se concreta unha resposta con prazo de reparación da suposta avaría.

Este problema cobra maior importancia porque moitos aboados están á espera da chamada para recibir a cita para a vacinación contra a COVID-19. Esta inquedanza vai en aumento cada día que se retrasa a avaría e mentras Movistar segue sen dar unha resposta satisfactoria ás reclamacións de restauración do servizo.