O alcalde de Avión promove a adhesión do concello ao sistema da Xunta para o pago das axudas á hostelería, e unha rebaixa do IBI

A corporación municipal de Avión aprobou en sesión plenaria dúas propostas feitas por alcaldía dentro das medidas de apoio á veciñanza e aos sectores locais máis castigados pola crise sanitaria, como é o caso da hostalaría. Neste contexto, o concello de Avión acordou adherirse ao sistema da Xunta para o pago das axudas aos hostaleiros, un sistema que axilizará os trámites burocráticos, de tal maneira que a maiores das axudas autonómicas, o concello comprométese a unha axuda adicional por importe de 1.000 euros.

O alcalde Antonio Montero tamén explicou nos micrófonos de COPE O Carballiño que no próximo exercio fiscal os contribuintes co concello de Avión beneficiaránse dunha rebaixa no imposto do IBI, a tal efecto, a corporación aprobou unha modificacion no coeficiente impositivo municipal, que pasa do 0,6 no que estaba ao 0,5 no que agora queda fixado "desta maneira tamén se compensará os efectos da revisión catastral feita no municipio", subliñou o rexedor.

Doutra parte, o pleno ratificou o convenio que ven de remitirlle ao concello de Avión a Consellería de Infraestructuras, a través de Augas de Galicia, para impulsar a mellora do sistema de saneamento nos lugares de San Vicenzo e O Sifón, cunha aportación autonómica de 148.000 euros, mentres que o concello contribuirá con 37.000 euros a este proxecto que consistirá na eliminación de fosas sépticas e a conexion das redes de saneamento dos dous núcleos coa depurada de Avión, mediante unha tubaxe de PVC estructurada en dous tramos.