O BNG impulsa a creación dunha Plataforma Comarcal de Emigrantes Pensionistas Retornados, afectados polas reclamacións da Axencia Tributaria

A convocatoria do BNG na casa da cultura do Carballiño reuníu a máis de 200 persoas, emigrantes retornados das comarcas do ribeiro e O Carballiño afectados por esta problemática.

Trala reunión, conducida pola deputada nacionalista Tareixa paz, quedou constituída a "Plataforma de Afectos do Carballiño-O Ribeiro", que coordenará unha comisión de 4 persoas de ambas comarcas.

A Axencia Tributaria ven comunicando nos últimos meses aos emigrantes retornados que reciben pensións do extraxeiro a obrigatoriedade de tributar por esas pagas, reclamandolles esas cantidades dende o ano 2008 e impoñendo sancións económicas. O BNG non entende "esta actitude do Partido Popular e do Sr. Montoro, tendo unha doble vara de medir, facendo amnistias fiscais para os grandes defraudadores e abusando deste xeito dos pensionistas", remarcou a deputada do Bloque Nacionalista Galego.