O BNG propón que O Carballiño presente a súa candidatura para acoller o campionato mundial de pesca deportiva fluvial

Os concelleiros carballiñeses do BNG presentaron un escrito no concello no que piden ao goberno municipal que, con carácter inmediato, leven a cabo as xestións oportunas para que O Carballiño sexa a sede do Campionato do Mundo de Pesca Fluvial de Seleccións, que se celebrará no próximo mes de agosto en Galicia, en localidade aínda por decidirse.

Marco Antonio Reboredo e Chema Ferreiro refírense neste escrito a boa infraestructura hoteleira e a magnífica rede fluvial e de instalacións e servizos para a práctica da pesca deportiva coas que conta O Carballiño.

O BNG demanda do concello carballiñés que se poña en contacto coa Federación Galega de Pesca para presentar a candidatura do Carballiño para acoller a esta actividade. Tamén consideran os nacionalistas que sería interesante e fundamental a implicación dos diferentes axentes sociais e a Sociedade de Pesca Deportiva Arenteiro, que xestiona o couto do río Arenteiro.

A repercusión, tanto económica como mediática, considera o BNG  que serían relevantes para  O Carballiño