Os conductores de Empresa Montañesa entregaron en Polonia o primeiro envio solidario, agora regresan traendo a refuxiados

Na mañá deste domingo chegaba a destino o autocar conducido polos tres chóferes de Empresa Montañesa que partira do Carballiño o pasado venres, transportando o primeiro envio con material solidario recollido por Cáritas Parroquial do Carballiño, con doazóns das comarcas do Carballiño-O Ribeiro, e doutras zonas da provincia.

Agora, na viaxe de volta, no mesmo autocar -con 48 prazas dispoñibles- traerán a persoas ucraínas refuxiadas -nenos e nenas e mulleres- que transportarán ata Madrid, onde serán atendidas pola Fundación Madrina.