Desenrolado por coroa.es
O Partido Popular de Piñor asegura que a concelleira leva varios meses fora do municipio "e unha persoa que está no extranxeiro non pode traballar polos intereses dos seus veciños", respondelle o alcalde Francisco Fraga culpando da ausencia ao PP "vese na obriga de emigrar, como o resto da mocidade galega, para procurar fora o que este goberno do PP lles nega en Galicia".
Dende o Partido Popular manfestan que " o alcalde de Piñor ten a obriga moral cos seus veciños de darlles unha explicación e de tomar as medidas oportunas para regularizar a actual situación do goberno municipal do concello de Piñor". Engaden "o respecto á decisión desta concelleira, cadaquén é libre de decidir e buscarse o seu medio de vida cómo e onde queira, pero non podemos consentir nin estamos de acordo no abandono das súas responsabilidades como concelleira e como tenente de alcalde, de non poder cumplir coas súas obrigas, debería demitir", concluen.
O rexedor responde que "non todos teñen a sorte de que os enchufen na Deputación ou de que os coloquen a dedo como asesores en postos bicoca pagados cos impostos de todos". Fraga asegura que "a ausencia temporal da tenente de alcalde non impide o normal funcionamento do concello de Piñor in suón custe algún xa que non recibe ningunha retribución do concello".
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-rexedor-municipal-considera-rastrero-que-o-pp-critique-ausencia-do-concello-da-1a-tenente-de
[2] https://twitter.com/home?status=http%3A//copecarballino.es/novas/o-rexedor-municipal-considera-rastrero-que-o-pp-critique-ausencia-do-concello-da-1a-tenente-de
[3] whatsapp://send?text=O rexedor municipal considera
[4] https://copecarballino.es/print/43424