A miña denuncia está motivada pola denuncia do PP de Maside que cualificaba de actitude pouco democrática o feito de que o noso alcalde convocase  os plenos o día que consideraba necesario en aplicación da potestade que lle é propia.

Gustaríame preguntarlles que é o que o PP de Maside entende por democracia. Se considera democracia que esta denuncia absurda, fose escrita por unha persoa elixida a dedo polos herdeiros do PP de Maside. Persoa que non foi elixida polo pobo de Maside.

Gustaríame que nos explicasen a todos os veciños de Maside se consideran democracia a unha menestra integrada, por un ex candidato elixido a dedo polos herdeiros do anterior alcalde, un novo candidato elixido polos herdeiros, unha voceira, un presidente, que é un dos herdeiros, e dous concelleiros que non son ningunha destas persoas. En Maside non tragamos barcos, aos resultados electorais remítome. Polo que me gustaría preguntarlles, se teñen a ben contestar, se pensan que isto é democracia e se pensan que o pobo vai consumir esta menestra indixerible e tan indixesta para o que realmente é a democracia.

Pola outra banda, o resto dos poucos que integran o PP non deben ter moita persoalidade se aceptan estas imposicións. Penso que están aí de convidados de pedra. Pero se non é así, podería respostar algún a todas estas cuestións. Máis que nada porque antes de criticar sen razón a un alcalde que si foi elexido democráticamente, deberían mirarse ao espello.