Desenrolado por coroa.es
Hai un ano o Concello do carballiño foi o primeiro en anunciar que a recepción das "Súas Maxestades de Oriente" se realizaría por medios telemáticos, resultando un éxito tanto a participación como a súa execución. Este ano, dende a concellería de cultura, adiantan que xa estaban a traballar nun modelo de cabalgata similar ao dos anos anteriores ata que a comezos do mes de decembro os casos de contaxios comezaron a multiplicarse e se decidiu realizar o evento de forma estática con aforo controlado.
Unha nova variable , a inestabilidade metereolóxica que se prevé para este mércores, fixo que dende o concello se decidira manter o evento ó exterior, para poder levar a cabo a actividade con total garantía sanitaria, facendo uso dunha carpa e adaptando a animación ó novo espazo, a Pista Vermella, situada na céntrica Praza do Emigrante do Carballiño.
Así, o mércores, 5 de xaneiro, as cativas e cativos do Carballiño, poderán visitar ós Reis Magos dende as 18 ata as 20 horas. O evento tamén contará con animación musical e diversas figuras que contribuirán a ter un ambiente máxico nunha data sinalada para as familias. Ó final do percorrido as familias poderán depositar as súas cartas cos desexos nun buzón real.
Dende o Concello do Carballiño recordan que os usuarios e usuarias deberán respectar as medidas vixentes en materia sanitaria. Así, o espazo contará con persoal que vixiará que se cumpran os aforos e as medidas, facendo uso da mascarilla e se manteña a distancia interpersoal.
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-carballino-tera-unha-cabalgata-de-reis-estatica-sera-de-18-20-horas-este-mercores-na-pista
[2] https://twitter.com/home?status=http%3A//copecarballino.es/novas/o-carballino-tera-unha-cabalgata-de-reis-estatica-sera-de-18-20-horas-este-mercores-na-pista
[3] whatsapp://send?text=O Carballiño terá unha cabalgata de reis
[4] https://copecarballino.es/print/58501