Cando parecía que todo isto da parcela do futuro centro de saúde do Carballiño estaba xa superado, onte van a pleno os orzamentos para o ano 2022 e o equipo de goberno aproba unha partida que leva o nome "terreos centro de saúde" cunha asignación de 400.000 euros. Preguntado sobre isto o alcalde limítase a dicir que é unha partida que non se vai usar xa que o compromiso é facer o centro de saúde na actual estación de autobuses. Pero vamos a ver. Se esto é así para que se mete entón tal partida? Tan ben está o concello do Carballiño para desdeñar 400.000 euros? Que non son nin 400 nin 4.000.Con 400.000 pódense facer moitas cousas. Unha de dúas. Ou o alcalde oculta algo que non quere dicir ou simplemente limítase a fecer un corta-pega dos orzamentos de anos anteriores sen revistar nada. En calquera das dúas opcións non queda moi ben que digamos. E ese é o nivel do equipo de goberno que temos no Carballiño señores.