Desenrolado por coroa.es
O Festival de Títeres do Carballiño volve á programación de verán polo éxito colleitado en pasadas edicións e con catro compañías dispostas a sorprender a nenos, nenas e maiores. Será dende hoxe ata o 19 de agosto e escenificaranse historias como a titulada “Cando un paxariño me espertaba tódalas mañás do confinamento”. Esta obra baseada nun feito real é só unha das propostas que terán o Parque Municipal como escenario e sempre no mesmo horario: as 19.00 horas. Hoxe, pola previsión de chuvia, trasladarse ao Auditorio Manuel María.
Esta é a programación detallada:
Martes 16 de agosto: Teatro Babalúa. “Feira das Sementes”
Mércores 17 de agosto: Micromina Títeres. “Historias para unha man”
Xoves 18 de agosto: Animar-T. “De cando un paxariño me espertaba tódalas mañás do confinamento”
Venres 19 de agosto: Escola Galega de Teatro Musical. “Mario e Manolo”.
A maiores, a compañía Micromina Títeres ofrecerá un obradoiro mañá, ás 20.00 horas. As prazas para participar son limitadas, polo que os interesados deberán inscribirse previamente. A iniciativa diríxese a nenos e nenas dende os sete anos e as familias poderán informarse no Departamento de Cultura do Concello do Carballiño ou no número de teléfono 662 198 615.
Agárdase que nesta edición aumente aínda máis o número de espectadores, tendo en conta que o pasado verán asistiron preto de 200 persoas a cada espectáculo
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-festival-de-titeres-do-carballino-programa-durante-esta-semana-catro-representacions
[2] https://twitter.com/home?status=http%3A//copecarballino.es/novas/o-festival-de-titeres-do-carballino-programa-durante-esta-semana-catro-representacions
[3] whatsapp://send?text=O Festival de Títeres do Carballiño programa durante esta semana catro representacións teatrais para o público infantil http://copecarballino.es/novas/o-festival-de-titeres-do-carballino-programa-durante-esta-semana-catro-representacions
[4] https://copecarballino.es/print/60457