Dende fai unhas semanas, atópase mal estacionado un vehículo na rúa dos Carboeiros, xusto antes do cruce coa estrada de Pontevedra. A localización do vehículo é especialmente problemática,de feito, xa se produciu un accidente entre dous vehículos. Este mal estacionamento obriga aos condutores que se dirixen á autoestrada a invadir o carril contrario, poñendo en perigo os vehículos que circulan correctamente polo seu carril e que proceden desta.

Quero tamén denunciar a deixadez de funcións por parte das autoridades. Este é un punto polo que pasan diariamente a policía local e a Garda Civil e ignoran completamente esta situación. Parece que a súa única preocupación son os vehículos mal estacionados os días de feira.