Desenrolado por coroa.es
A área de turismo do Concello do Carballiño abre a oficina de turismo co fin de atender as necesidades e dar a información necesaria aos turistas que se acheguen ata a vila, dende este xoves festivo ata o domingo, cun horario de 10 a 14h e de 16 a 19h. Tamén estará aberto para veciños e visitantes o museo “Muíño do Anxo”, sito no Parque etnográfico Do Carballiño, en horario de 9 a 14h e de 16 a 21h. Tamén, dende a área de turismo, o concelleiro Manuel Dacal, recorda que as pallozas municipais están abertas ao público e tiveron unha alta demanda nestes días.
A Semana Santa, nos últimos anos, consolidouse como unha data que congregaba a moitos visitantes no Carballiño, sendo un lugar de referencia a nivel galego. Dende o Concello do Carballiño apuntan que nestes días segue a chegar xente ao Carballiño aínda que con menor intensidade que os últimos anos. Ademáis, a Cofradía da Veracruz viuse obrigada a suspender as actividades previstas para este ano debido á pandemia . Asemade, Concello e Cofradía, agardan que o ano que vén a Semana Santa poda transcurrir con total normalidade e se revirta a actual situación.
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-carballino-abre-oficina-de-turismo-e-o-museo-dos-muinos-durante-semana-santa
[2] https://twitter.com/home?status=http%3A//copecarballino.es/novas/o-carballino-abre-oficina-de-turismo-e-o-museo-dos-muinos-durante-semana-santa
[3] whatsapp://send?text=O Carballiño abre a oficina de turismo e o museo dos muiños durante a Semana Santa http://copecarballino.es/novas/o-carballino-abre-oficina-de-turismo-e-o-museo-dos-muinos-durante-semana-santa
[4] http://copecarballino.es/print/56859