Desenrolado por coroa.es
O Centro de Estudios Chamoso Lamas, que ten, entre otros fins fundacionais, documentar e divulgar o patrimonio cultural e medioambiental da comarca do Carballiño, considera que a mostra sobre as orixes e a evolución da luz eléctrica, que se exhibe no IES Chamoso Lamas e que se pode visitar ate a 12 deste mes, ten un gran interese histórico e por iso ofrece a súa colaboración para editar un catálogo da mesma.
Asemade, propón que esta exposición sexa un punto de partida para a creación dun futuro museo que plasme o nacemento e a evolución da electricidade no concello carballiñés, que foi pioneiro a nivel provincial na implantación da luz eléctrica.
Integrantes do colectivo realizaron esta semana unha visita programada á mostra, comprobando o alto valor das pezas que se exhiben e que deben conservarse nas mellores condicións posibles co obxectivo de que poidan formar parte, xunto con outras que se consigan incorporar, deste museo que amose o carácter pioneiro do municipio carballiñés na chegada da luz eléctrica e a relevancia histórica que tivo na modernización da vila, do concello e da comarca, así como no proceso de industrialización, desde finais do século XIX.
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-centro-de-estudios-chamoso-lamas-propon-creacion-dun-museo-da-luz-no-carballino-que-foi
[2] https://twitter.com/home?status=http%3A//copecarballino.es/novas/o-centro-de-estudios-chamoso-lamas-propon-creacion-dun-museo-da-luz-no-carballino-que-foi
[3] whatsapp://send?text=O Centro de Estudios Chamoso Lamas propón a creación dun museo da luz no Carballiño
[4] http://copecarballino.es/print/59662