A vila de Dacón xa vive ambiente festivo coa celebración diaria da novena de Santa Rita, que comezou o pasado dia 13 e completaráse o dia 21, con tres celebracións diarias na igrexa parroquial de Dacón, ás 8:30, 19:30 e 20:30 horas, unha devoción que ademáis conmemora este ano o seu centenario, xa que a súa primeira edición tivo lugar no ano 1922.

Tras dous anos sen programación festiva pola pandemia, as festas de Santa Rita regresan este ano con forza e unha atractiva programación na que sobresaen as verbenas para as que a comisión de festas contratou a un elenco no que figuran orquestras de primeiro nivel como son Claxxon (Sábado 21) Paris de Noia (Domingo 22) e Marbella (Lúns 23).

Ademáis, no apartado musical, tamén figuran a Banda de Galicia (Domingo 22) e as charangas "Terra de Trives" (Domingo 22) e "Castro Bello" (Lúns 23).

A maiores, outras actividades como foi a IV Ruta Cabalar Vila de Dacón celebrada este pasado domingo, ou a V Xuntanza de Clásicos Deporticos este martes dia 17, festivo, no Día das Letras Galegas.