Espazo Común apura o tempo político nesta cada vez mais próxima sesión de investidura de alcalde para este próximo sábado, e fai pública unha inivitación ao Partido Popular para explorar a posiblidade de acadar un acordo que garanta "catro anos de estabilidade e dea solucións aos cambios necesarios para O Carballiño".

Nun comunicado difundido hoxe, Espazo Común manifesta que trátase dun último intento "de desbloquear a situación do concello do Carballiño, ante a pasividade do actúal grupo de goberno do PSOE e a imposibilidade de resolver os problemas do Carballiño sen chegar a un goberno de coalición".

O candidato do PP, Lino González dixo tanto durante a campaña electoral como nestas últimas semanas que os cinco votos dos cinco concelleiros do seu grupo serían exclusivamente para o Partido Popular, e este pasado lúns Espazo Común aseguraba que votarían ao seu candidato Pachi Vázquez.  Agora, o tempo apremia, e calquera posibilidade de impedir que Fumega sexa reelixido alcalde pasa por un pacto ou cando menos un apoio para a sesión de investidura  entre Espazo Común e Partido Popular.