Copecarballiño.es
Publicado en Copecarballiño.es (http://copecarballino.es)

Inicio > A asociación "Novo Rural O Carballiño-O Ribeiro" terá apoio da Deputación para desestacionalizar o turismo no rural

2, Xullo 2025 Cope Carballiño [1] [2] [3] [4]

O presidente provincial, Luis Menor, comprometeuse a impulsar a asociación Novo Rural de O Carballiño e O Ribeiro, formada por unha trintena de profesionais do sector dos aloxamentos turísticos nas dúas comarcas citadas. Este compromiso ratificouse durante o encontro no Pazo Provincial coa presidenta e secretaria da entidade, Elena García e Inma Rúa, no marco dos encontros de traballo que o presidente da Deputación mantén con sectores clave para a provincia.

Luis Menor puxo en valor o talento mozo e o relevo xeracional desta asociación, xa que maioritariamente está formada por profesionais novos que revitalizan o sector. Tras escoitar as demandas da asociación, que busca principalmente reforzar a oferta de produtos turísticos durante a tempada baixa, o presidente provincial puxo en valor as “potencialidades turísticas” e os valores “específicos e atractivos” das dúas comarcas, citando os paisaxísticos, gastronómicos, culturais e naturais. “Por iso, imos colaborar con ese desenvolvemento, para a Deputación o turismo é un sector estratéxico”, sinalou.

Pola súa banda, as representantes de Novo Rural valoraron como “moi satisfactoria” a reunión no Pazo Provincial e puxeron en valor a “ilusión” dos que se achegan a coñecer o proxecto e os valores desta asociación.

Desenrolado por coroa.es


URL fonte:http://copecarballino.es/novas/asociacion-novo-rural-o-carballino-o-ribeiro-tera-apoio-da-deputacion-para-desestacionalizar-o

Ligazóns
[1] https://www.facebook.com/sharer/sharer.php?u=http%3A//copecarballino.es/novas/asociacion-novo-rural-o-carballino-o-ribeiro-tera-apoio-da-deputacion-para-desestacionalizar-o [2] https://twitter.com/home?status=http%3A//copecarballino.es/novas/asociacion-novo-rural-o-carballino-o-ribeiro-tera-apoio-da-deputacion-para-desestacionalizar-o [3] whatsapp://send?text=A asociación [4] http://copecarballino.es/print/68833