Jesús Arribas pecha unha etapa de catro meses como adestrador do equipo na Primeira RFEF, desta maneira o club busca unha reacción que cámbie a dinámica negativa nos resultados deportivos dos últimos meses e encarga ao segundo adestrador Luis Vilachá tomar o relevo provisional.

COMUNICADO OFICIAL DO CLUB

O C.D. Arenteiro e Jesús Arribas poñen fin á súa etapa conxunta tras a disputa da 11ª xornada de liga. Desde o club queremos agradecerlle a súa dedicación, profesionalidade e traballo ao longo destes meses. Foi un período de compromiso diario, e desexámoslle o mellor no seu futuro profesional e persoal. A súa carreira continúa - e agardamos - que lle traia moitos éxitos. Por parte do Arenteiro, seguimos a traballar e a preparar o seguinte capítulo.