Deportes

Por sexta xornada consecutiva o Arenteiro logrou deixar a súa portería a cero, esta vez no dificil Novo Municipal da Estrada ante un dos galiños da categoria, nun partido serio e sobrio dos verdes que a punto estiveron de regresar cos 3 puntos.

Pouco que destacar da primeira parte, con pouco ritmo e de xogo embarullado por ambas partes, aínda que do Arenteiro foi a mellor ocasión dos primeiros 45 minutos, con Rubén Arce de protagonista, gañando a posición entre dous defensores e encarando ao gardameta local, que salvou ao seu equipo tras rexeitar o disparo do dianteiro verde.

Na segunda metade os dous equipos sairon máis decididos a ir polo partido, o Estradense máis físico e vertical ante un Arenteiro atrevido que non se arrugou en ningún momento, e do Arenteiro volveu ser a ocasión máis clara desta segunda parte, tras unha gran acción persoal de Rubén Arce que entregou un balón de ouro sobre a área local, pero Alberto e Carlos de Dios estorbaronse e fallaron en boca de gol, cando xa o cantaban na grada os afeccionados do Arenteiro.

Ao final, reparto de puntos que deixa ao Arenteiro como líder da Preferente Galicia outra xornada máis.

CD Arenteiro: Israel, Vilachá, Maxi, Arbo, Saúl, dafonte (Alberto, m.55), Cuquejo, Bardelás, Rubén Arce (Pol, m.88), Dani Vázquez (Varandela, m.63) e Carlos de Dios (Esteban, m.81).

Agora esta semana, doble cita: o martes dia 1 de Novembro partido de Copa Deputación ante a UD Ourense no Couto ás 18:30 horas. O domingo 12ª xornada de liga ante o CD Moaña en Espiñedo, ás 17 horas.

Con goles de Alberto e Iván Portos, ambos na segunda parte, o Arenteiro conseguíu sumar 3 novos puntos na súa visita a Sanxenxo, un resultado que permite aos verdes continuar como líderes por terceira xornada consecutiva.

Entrou ben no partido o Arenteiro, aínda que conforme ían pasando os minutos cedeu o control en favor do XuventudeSanxenxo, que tivo as mellores ocasións de gol nesta primeira parte,con incrusións pola esquerda do dianteiro local Curri que levaban moito perigo e sobre todo nun tiro raso e esquinado que atallou un moi seguro Israel.

Na segunda parte cambeou a decoración, e apenas con 5 minutos da reanudación Manel Vázquez indtrouciu un cámbeo táctico, retirando do campo a Varandela e dando entrada a Pol para reforzar a banda dereita por onde os sanxenxinos cargaban o xogo.

En dous minutos dúas xogadas clave, no 67 o Xuventude Sanxenxo quedabase con un xogador menos por cartón vermello directo tras unha dura entrada a Rubén Arce, e un minuto despois un centro dende a dereita de Dani Arbo é rexeitado polo meta local, o rexeite aproveitao Alberto para adiantar ao Arenteiro.

No minuto 82 nova expulsión no bando local por doble amarela que acabou por desequilibrar por completo o partido.

No tramo final o Arenteiro tivo ata 3 claras ocasións de sentenciar, ainda que houbo que agardar ao tempo de desconto para que Ivàn Portos, dentro da área, marcase tras unha gran xogada de Saúl. Eso, si, antes, no minuto 89 un libre directo ao borde da área foi desaproveitado polos locais.

O partido deixa danos colaterais para o Arenteiro, xa que no minuto 21 Bardelás tivo que abandoar o campo lesionado, tras recibir un golpe na tibia. As probas que esta mesma noite lle realizan no "Centro Médico El Carmen" determinarán o alcance da lesión.

CD Arenteiro: Israel, Vilachá, Maxi, Arbo, Saúl, Cuquejo, Bardelás (Dafonte, m. 21), Carlos de Dios (Iván Portos, m. 82), Rubén Arce, Varandela (Pol, m. 50) e Alberto (D. Vázquez, m. 70).

Na foto, o momento do primeiro gol do Arenteiro, obra de Alberto Blanco.

Victoria dos verdes ante o Mondariz nun partido no que o protagonista negativo foi o árbitro, o mellor para os locais o resultado, con outros 3 puntos que se quedan en Espiñedo, que volvía presentar unha boa entrada no graderío.

Os xogadores do Arenteiro, sen apenas dar unha patada aos contrarios, foron castigados polo colexiado Edgar Soto con ata 10 tarxetas amarelas, unha doble a Adrián Padrón por facerlle observacións tras unha fea entrada dun xogador do Mondariz sobre Rubén Arce.

Mala arbitraxe e partido gris do Arenteiro, que resolveu con dous goles, un en cada tempo. No minuto 36, tras un erro defensivo do Mondariz, un atento e incisivo Rubén Arce adiantou aos verdes nunha acción persoal. O mesmo xogador tamén tivo protagonismo no segundo gol, poñendo un balón de ouro a Ivàn Portos, que o xoven valor da canteira carballiñesa mandou ao fondo da portería.

Antes, no inicio da segunda parte, o Mondariz desaprobeitou ata dúas oportunidades de nivelar o marcador. Tamén o Arenteiro tivo, por mediación de Carlos de Dios dúas claras ocasións de gol que salvou en ambos casos in extremis o gardameta visitante.

NO CD Arenteiro xogaron de inicio: Israel, Adrián Pol, Maxi, Adrián Padrón, Saúl, Cuquejo, Bardelás, Dani Chimpin, Rubèn Arce, Varandela e Alberto. Tamén xogaron Carlos de Dios, Dafonte, Vilachá e Iván Portos.

Os verdes lograron puntuar na súa visita ao campo do Cultural Areas, nunha boa tarde de fútbol con dúas partes bastante diferenciadas, a primeira con máis empuxe do equipo local e a segunda na que o Arenteiro foi dono e señor do partido. Ao final, empate sen goles.

A primeira media hora foi de dominio absoluto dos locais, que despois foron perdendo fuelle para dar paso no último cuarto desta primeira parte a un encontro xa máis igualado, incluso cunha boa ocasión de gol para o Arenteiro nun disparo que enviou Rubén Arce e que salvou in extremis de cabeza un defensor cando xa se colaba o balón na portería local.

Tralo paso por vestiarios o partido cambeou radicalmente, e pasou a ser o Arenteiro o que colleu o mando para levar unha e outra vez o perigo á portería da Cultural Areas, pero non souberon os verdes aprobeitar o seu dominio territorial.

Un punto que pode darse por bo porque se conseguíu en campo contrario e ante un bo equipo como a Cultural Areas, plagado de xogadores portugueses, non exentos de boa técnica. Ademáis, un punto que vale ao Arenteiro para colocarse como líder en solitario neste campionato de liga, tras oito xornadas desputadas.

No Arenteiro sairon de inicio: Israel, Vilachá, Maxi, Arbo, Saúl, Adrián Padrón, Cuquejo, Dani Chimpin, Rubén Arce, Varandela e Carlos de Dios. Tamèn xogaron Alberto, Bardelás, Ivàn Portos e Esteban.

O  vindeiro domingo dia 16 o Arenteiro regresa a Espiñedo para enfrontarse dende as 5 da tarde ao Mondaríz.

O Arenteiro sigue contando por victorias os seus compromisos como local nesta liga, desta vez dous destellos dos verdes foron suficientes para marcar dous goles e resolver o partido nunha tarde gris do Arenteiro ante a súa afección, con máis de 700 espectadores en Espiñedo.

Non foi, nin moito menos, a mellor versión do Arenteiro nesta liga, aínda que afortunadamente dous destellos serviron para gañar ao Pontellas, tras un partido igualado e de pouco ritmo por ambos equipos.

No minuto 34 unha gran asistencia de Dani Chimpin dende a banda dereita servíu para que Varandela, de cabeza, adiantara aos verdes. E no minuto 83 Rubén Arce conseguíu o gol da tranquilidade, un gran gol, tras unha acción personal, enviando o balón á escadra da portería visitante, inalcanzable para o gardameta do Pontellas.

No descanso, o club homenaxeou a Elvira Míllara, unha das socias máis antigas do Arenteiro, que en 58 anos de historia, sempre estivo ao lado do equipo na súa bancada de Espiñedo.

Xogaron de inicio este partido ante o Pontellas: Pachi, Vilachá, Maxi, Padrón, Iván Portos, Bardelás, Dani Chimpin, Carlos de Dios, Rubén Arce, Varandela e Alberto. Tamén o fixeron Dani Arbo, Adrián Pol, Esteban e Cristián.

Esta semana hai doble compromiso en liga, o mércores dia 12 o Arenteiro viaxa ao difícil campo do Cultural Areas, e o vindeiro domingo dia 16 recibirá en Espiñedo ao Mondaríz.

Na foto, o segundo gol do Arenteiro, obra de Rubén Arce.

Típico partido de rivalidade xogado con moita intensidade, duro por momentos e con bastante emoción o que pudo verse no Estadio do Couto, que rexistrou unha boa entrada, con numerosa presenza de afeccionados do Arenteiro.

Eso si, os dous equipos evidenciaron dúas propostas futbolísticas distintas. O Arenteiro, a pesar das numerosas baixas, combinando e querendo ir polo partido, fronte a un Ourense máis reservado e fiando a súa sorte aos seus xogadores estrela, Anderson e Wadir.

Ambos equipos tiveron ocasións de desnivelar ao seu favor o partido, pero unhas veces o desacerto dos dianteiros e outras as boas intervencións dos gardametas, fixeron que ao final o 0-0 campease no marcador.

Tanto Ourense como Arenteiro remataron o partido con 10 xogadores, por expulsión de Alexis -vermella directa- nos ourensáns e Saúl -doble amarela- nos carballiñeses.

O  CD Arenteiro presentou o seguinte once titular: Israel, Vilachá, Maxi, Arbo, Saúl, Adrián Padrón, Bardelás, Carlos de Dios, Rubén Arce, D. Vázquez e Alberto. Tamén xogaron Varandela, Esteban, Iván Portos e Adrián Pol.

Un centenar de pilotos participarán esta fin de semana na proba de Enduro “Xtremo Mesego”, que contará por primeira vez con representación internacional.

Así, hai inscritos un piloto francés e varios de Portugal. Ademáis, a proba deste ano, que vai na cuarta edición, terá o aliciente de contar con auténticos pilotos da élite de induro procedentes, sobre todo, do País Vasco, Navarra e Cataluña.

Entre eles, cabe destacar a Pol Tarrés, que foi campeón do mundo de trial junior, e que debuta nesta proba do Carballiño na modalidade de enduro; o navarro Josu Baraibar; o vasco José Artola, que gañou o pasado ano esta proba;o galego Joaquín Rodríguez, e o francés Peio Etxebesti, entre outros.

Dos cen pilotos inscritos, setenta e cinco son de fóra de Galicia, o que amosa o interese crecente desta proba no calendario nacional de Enduro, según dixo Juan Caderno Baranda, membro do Moto Club Extremo Mesego, que organiza esta proba, durante a presentación efectuada esta mañá na Praza Maior do Carballiño.

Neste acto tamén participaron o concelleiro de Deportes, José Manuel Dacal, e Miguel Lois López, integrante do Moto Club Extremo Mesego. Dacal salientou a importancia deste evento deportivo, tanto pola calidade como pola participación, que conleva a ocupación de prazas hoteleiras, a dinamización do sector hosteleiro e do turismo na vila.

Pola súa parte, Miguel Lois agradeceu a colaboración do concello e patrocinadores, e convidou ao público a asistir a esta proba, que terá un prólogo o sábado pola tarde, fronte ao concello, e o domingo en Pena Cobertoira e zonas de monte.

PROGRAMA

A proba disputarase o sábado, 1, e o domingo, 2 de outubro. O sábado haberá un prólogo en Pena Cobertoira, a partir das 5 da tarde, e outro na Praza Maior, a partir das 7,30. E o domingo a proba comezará en Pena Cobertoira ás 11 da mañá, e rematará ás 5,30 da tarde coa entrega de trofeos.

O parque pechado e verificacións terán lugar no Bar Parque, Rúa Circunvalación.

Outra victoria de casta dos verdes que, igual que aconteceu ante o Porriño, volveron quedarse con inferioridade numérica no campo, e ademáis desta vez desperdiciaron un penalti que o porteiro visitante Isma logrou desviar tras o lanzamento de Dani Chimpin.

Costoulle un chisco ao Arenteiro entrar nun partido no que o Gondomar presentaba nos primeiros dez minutos as súas credencias de líder, xa que chegaba a Espiñedo contando os seus partidos por victorias.

Transcurrido o primeiro cuarto, os verdes fixéronse co control do partido e froito dese dominio e ocasións chegaría o primeiro gol no m. 23, tras chutar a portería Bardelás, petar nun contrario, e colarse ao fondo da rede. Cando máis e mellor estaba xogando o Arenteiro empatou o Gondomar, un golazo de Manu Vilán que lanzou o balón á escadra da portería de Israel, eso si, no primeiro e único tiro dos visitantes entre os 3 paus durante toda a primeira parte.

Dani Chimpin pudo desnivelar antes do descanso, pero o lanzamento dende os 11 metros, foi desviado nunha gran intervención polo meta visitante.

Na segunda parte, as ocasións estiveron máis repartidas por ambos ambos, aínda que o árbitro deixou ao Arenteiro con 10 xogadorres no campo, tras ver Dani Chimpin un moi riguroso segundo cartón amarelo, cando aínda faltaban 20 minutos de partido.

O Arenteiro, igual que o dia do Porriño, aguantou e non pasou por grandes apuros. No minuto 85 penalti sobre Varandela que transformou Rubén Arce no gol da victoria para o equipo que máis o mereceu.

CD Arenteiro: Ismael, Vilachá, Arbo, Maxi, Saúl, Padrón, Bardelás, Dani chimpin, Arce, D. Vázquez e Carlos de Dios. Tamèn xogaron Alberto, Varandela, Iván Portos e Esteban.

Na foto, o gol do 2-1, obra de Rubén Arce, de penalti.

No campo do Valadares vigués, e na cuarta xornada da Preferente Galicia, chegou a primeira derrota dos verdes, consecuencia sobre todo dunha mala primeira parte na que os locais dominaron o partido e foronse a vestiarios xa co 2-0 que sería finalmente o resultado definitivo.

Tras un inicio esperanzador do Arenteiro, pouco a pouco, os verdes foron diluindose e o Valadares indo a máis. O primeiro gol dos locais chegaba no minuto 31, e a piques de chegar ao descanso, o segundo, gol dos cualificados como sicolóxicos.

Na segunda parte o Arenteiro pudo meterse no partido nalgunha das aproximacións que tivo sobre a portería do Valadares, pero non era o dia e todo saía o revés, ademáis en última instancia estaba o meta local Denís, que con moita solvencia resolvía os balóns aéreos que os verdes colgaron con perigosidade nun par de veces.

 Lamentablemente, o partido deixa outra vez danos colaterais para os verdes, xa que no minuto 64 Dani Chimpin tiña que abandoar o terreo de xogo lesionado tras unha fea e forte entrada por detrás dun xogador do Valadares, ó árbitro nin xiquera sinalou falta. No transcurso da semana verémos o alcance da lesión. E pouco despóis era Saúl, o que visiblemente coxo, tamén tiña que ser sustituído.

CD Arenteiro: Pachi, Vilachá, Padrón, Arbo, Saúl, Bardelás, Dani Chimpin, Pol, Arce, Dani Vázquez e Carlos de Dios. Tamén xogaron Varandela, Esteban, Alberto e Cristian.

Os verdes xogaron toda a segunda parte con 10 xogadores por expulsión de Maxi ao ver doble cartón amarelo, pero o Arenteiro soubo sufrir ante un dos mellores equipos da categoria, e no minuto 90 chegou o premio co gol que desnivela o marcador ao tranformar Dani Chimpin o penalti cometido sobre Adrián Padrón.

Tres puntos que saben a gloria tal como se desenvolveu o partido, que comezou ben para o Arenteiro que se adiantaba no minuto 15 cun gran gol, de auténtico crack, de Dani Chimpín.

Pero todo se complicou mediada a primeira parte coa lesión de Dafonte, a partir dese momento o Porriño fíxose dono e señor do centro do campo e no minuto 37 empataba o partido.

E aínda se complicou máis a situación para os verdes no inicio da segunda parte, cando resultaba expulsado Maxi por doble amarela. Enfronte, sabíase e malia o seu mal inicio de campionato, estaba un dos mellores equipos da categoria, tocaba sufrir.

E o equipo soubo facélo, con algo de fortuna -que todo hai que decílo- nalgunhos lances ante a portería de Pachi, e aínda tería unha clara ocasión de marcar tras un balón que Arce puxo en bandexa a Dani Chimpin, pero o seu tiro foise alto.

Co tempo xa cumplido chegou o penalti sobre Adrián Padrón. Asumíu a responsabilidade de tiralo Dani Chimpin, e marcou o gol da victoria, segundo tamén na súa conta particular.

CD Arenteiro: Pachi, Maxi, Padrón, Arbo, Saúl, Dafonte (Vilachá m. 33), Bardelás, dani Chimpin, Rubén Arce (Alberto m. 88), Dani Vázquez (Varandela m. 60), e Carlos de Dios (Esteban m. 78).

Na foto, o segundo gol do Arenteiro, de penalti, transformado polo bigoleador da tarde, Dani Chimpín.