PR 76

Quero denunciar o mal estado do PR 76 no seu paso polo concello de O 
Carballiño, en concreto os puntos máis complicados son:
A pequena ponte que está detrás do muíño das lousas onde as tablas do 
chao están completamente desprendidas formando así un perigo inminente e 
que en calquera momento poderá traer un disgusto.

Outro punto conflictivo, está situado seguindo ese mismo sendeiro, é dicir, 
por detrás do muíño das lousas, unha vez pasado o tramo que circula pola 
rochas encontrámonos cunha maleza que nos impide o paso facéndose imposible 
o seu acceso, impedindo así poder proseguir coa ruta.

Dou fé de que este sendeiro que vai de O Carballiño ata Pazos de Arenteiro 
é moi visitado polos turistas que xa se aproximan ás nosas terras non só 
na fin de semana senón en calquera día laboral. Podo poñer o exemplo da 
semana pasada cando tropecei cuns turistas nestes camiños e non puideron 
proseguir debido ó estado da maleza, así que o resultado da súa excursión 
foi irse da nosa comarca.

Xa estamos na tempada de verán, e interesa non só ter en bo estado o parque 
senón tamén as numerosas rutas que temos na nosa comarca, porque eso trae 
xente, así que dende aquí insto o Concello a que mande unha brigada de 
limpeza por alí, pola piscifactoria é por varias marxes do río que están 
sen limpar porque o seu estado é moi grave.