14 de Xullo: O Carballiño sobe a nivel medio de restricións, tras rexistrar hoxe 53 contaxios activos. Tamén incrementan contaxios nas últimas horas Boborás, O Irixo e San Amaro

14, Xullo 2021

Continúa a escalada de coronavirus na comarca, co concello do Carballiño á cabeza, con 6 casos máis que onte, polo que alcanza hoxe os 53 contaxios activos.

Boborás tamen experimenta un salto, ao pasar de un único caso que tiña onte aos 5 que xa notifica hoxe mércores. O Irixo tamén suma 5 contaxios, tras 3 novos positivos nas últimas horas. Beariz rexistra 5 casos, Piñor e Maside con  3, San Amaro 2 (un máis que onte). Continúan resistindo limpos de covid Punxín e Cea.

A Xunta anunciou hoxe que o concello do Carballiño pasa dende este próxmo sábado ao nivel medio de restriccións, o que repercutirá fundamentalmente na hostelería, que verá reducidos os seus aforos, que pasarán a ter unha ocupación máxima do 30% en interior e do 50% en terraza ao aire libre.