Deportes

Con esta victoria por 0-2 no campo do Porriño Industrial os verdes acadan os 47 puntos a falta do último partido ante o CD Barco e prácticamente aseguran a continuidade na tercerira división por terceira tempada consecutiva.

No partido xogado en Porriño, onde polo número de seguidores na grada, o Arenteiro parecía que xogaba en Espiñedo, o equipo adestrado por Gelucho asegurou os 3 puntos que poden considerarse transcendentais para lograr o obxetivo final.

O triunfo dos verdes materializouse na segunda parte, e tras un primeiro periodo no que o Arenteiro pudo irse ao descanso con algún gol ao seu favor, xa que gozou de varias aproximacións sobre a meta local que so faltou definir, mentres os locais so conseguían chegar aos dominios de Rui en xogada a balón parado.

Tras a reanudación pronto chegaría o primeiro gol do Arenteiro, unha delicatessen de Hugo Sanmartín que cunha perfecta vaselina superou ao meta local. Tamén foi o mesmo Sanmartín o que servíu en bandexa o balón a Carlos de Dios para que marcase o 0-2 defintivo.

O Arenteiro tivo que xogar os últimos minutos do partido con 10 xogadores ao ver doble cartón amarelo o defensa Adrián Pol.

Para ver a ficha do partido sigue a seguinte ligazón: 

http://www.futgal.es/pnfg/NFG_CmpPartido?cod_primaria=1000120&CodActa=459793

Os goles de Fajardo e Carlos e Dios deron a volta ao marcador nun partido no que a UD Ourense lograra adiantarse cun gol de Marquitos na primeira parte, noutra tarde de fútbol con ambientazo en Espiñedo e cun invitado de excepción, o futbolista do Español Borja Iglesias que onte marcou dous goles ao At. de Madrid.

Con este resultado o Arenteiro evita xa o descenso directo, agora o obxetivo sigue sendo escapar dos postos de posible arrastre polos descensos dos equipos galegos de Segunda B.

O partido estivo igualado na primeira parte como un típico derbi, marcou a UD Ourense e as mellores ocasións foron para o Arenteiro, e asi fumos ao descanso.

No minuto 57 chegou a xogada clave do partido, penalti cometido por Josu que ademáis motivou a súa expulsión ao impedir coa mán un remate de Hugo Sanmartín. Fajardo lanzou axustado ao pau por baixo e desta vez Pato non pudo facer nada para evitar o empate.

A partir dese momento, o partido pasou a ser un monólogo do Arenteiro, con varias ocasións ante a portería de Pato pero o gol non quería chegar, ata que xa no desconto unha enorme acción persoal de Carlos de Dios supuxo co seu golazo o definitivo 2-1 no marcador, e a conseguinte explosión de alegría na afección verde.

Para ver a ficha do partido sigue a seguinte ligazón: 

http://www.futgal.es/pnfg/NFG_CmpPartido?cod_primaria=1000120&CodActa=459783

Partido decisivo este domingo en Espiñedo, xa que unha victoria dos verdes ante a UD Ourense pode achegar ao Arenteiro a lograr o obxetivo da permanencia na terceira división.

Declarado día de axuda ao club, os socios pagarán 5 euros e o público en xeral 10 euros. 

Para evitar as sempre molestas colas nas taquillas de Espiñedo antes do partido, que se inicia ás 17:30 horas deste domingo 5 de Maio, o club instalará un stand este sábado na Praza Maior para promover a venda anticipada.
 

O Racing de Ferrol está máis preto do titulo de campión da terceira división tras vencer ao Arenteiro por 4-1 no partido xogado este mércores dia 1 de Maio no campo municipal da Malata, nun encontro no que o Arenteiro fixo varias rotacións no seu habitual once titular.

Crónica do partido en "La Voz de Galicia": https://www.lavozdegalicia.es/noticia/ferrol/2019/05/01/racing-cerca-titulo-campeon/00031556737826641773162.htm 

Foto: "La Voz de Galicia".

Partido clave para ambos equipos o xogado na tarde deste pasado sábado en Espiñedo, que volveu rexistrar unha gran entrada con 1000 afeccionados no graderio, e no que os verdes apuntalaron as súas posibilidades de conseguir o obxetivo de seguir outro ano máis en terceira división.

Partido vital para ambos, para o Arousa porque a derrota fai que perda o tren da promoción de ascenso, para o Arenteiro porque coa victoria da un paso moi importante para lograr a permanencia nunha categoria tan complicada e igualada como é a terceira división.

Eso si, un 2-1 ante o Arousa con moito sufrimento, con final de infarto en Espiñedo. 

Ao descanso chegouse con ventaxa do Arenteiro tras un gol en propia porta dos arousanos, e despois de que todas as ocasións nesta primeira parte fosen para os verdes, que non materializaron, evitando asi irse a vestiarios cun marcador máis amplo.

Fajardo, con suspense, marcou o segundo gol local ao lanzar un penalti que en primeira instancia rexeitou o meta Manu Taboas, pero non pudo facer nada no posterior golpeo do xogador vilagarcián do Arenteiro.

E cando parecía que iamos ter un final tranquilo, no minuto 86, o Arousa recortou o marcador, tamén de penalti. E dahí ao final, o consabido sufrimento, con gol anulado aos visitantes no minuto 90. 

Para ver a ficha do partido sigue a seguinte ligazón: http://www.futgal.es/pnfg/NFG_CmpPartido?cod_primaria=1000120&CodActa=459764

Os verdes tiveron ata tres oportunidades, unha a porta vacia, para adiantarse no marcador pero faltou acerto ante a portería do Compos, que se aproveitou dun mal despexe da defensa do Arenteiro no tempo de engadido da prmeira parte para lograr desequilibrar o marcador. 

Unha mágoa, xa non con ventaxa, pero polo menos con empate ao descanso, seguro que o partido na segunda parte houbera sido outro.

Crónica do partido en "El Correo Gallego":  https://www.elcorreogallego.es/deportes/ecg/mono-trabajo-puesto-tres-puntos-jornada-menos/idEdicion-2019-04-19/idNoticia-1178006/

O Arenteiro derrotou ao equipo coruñés da UD Paiosaco por 2-1 nun partido que complicou ao final o árbitro cando no minuto 89 tivo un doble e grave erro sinalando un penalti a favor dos visitantes que so él víu, e ademáis nunha xogada que ven precedida de fora de xogo do atacante do Paiosaco.

Ademáis, de forma absolutamente incomprensible prolongou o partido oito minutos, cando previamente comunicara un desconto de catro minutos, son actitudes que non se entenden.

Os verdes conseguiron o obxetivo de sumar 3 puntos considerados como vitais, tras unha primeira parte un tanto tediosa por ambos equipos, todos os goles chegaron tras a reanudación.

Golpeou pronto o Arenteiro, apenas aos 3 minutos desta segunda parte tras un penalti sobre Hugo Sanmartín que convertíu en gol Fajardo. Despois, no m. 73 Rober fixo o 2-0.

Ao final, no minuto 89 chegou o penalti que se inventou o colexiado para levar a intranquilidade ao graderío, finalmente consumouse a victoria do Arenteiro e a, tamén hoxe numerosa afección carballiñesa -unhas 1.000 persoas en Espiñedo- respiraron tranquilas.

Para ver a ficha do partido sigue o seguinte ligazón:http://www.futgal.es/pnfg/NFG_CmpPartido?cod_primaria=1000120&CodActa=459745

Os verdes conseguiron no campo da Grela da Coruña un meritorio empate ante un dos mellores equipos da segunda volta, como é o SIlva SD, nun partido moi intenso do Arenteiro e no que os catro goles lográronse nun frenético último cuarto da primeira parte.

Golpeou primeiro o Arenteiro, cun moi atento Hugo Sanmartín que aproveitou unha perda de balón do Silva para írse directo á area, e tras escorarse lograr un gran gol. Tras empatar os herculinos, outra vez volverían adiantarse os verdes, desta vez un incomensuble Maxi que protoagonizou unha das xogadas do partido, poñendo un balón de ouro que non desaproveitou novamente Hugo Sanmartín. 

No último minuto da primeira parte logrou o Silva o 2-2 que xa sería definitivo, xa que o marcador xa non se movería en toda a segunda parte, no que xusto é destacar dúas grandes intervencións do gardameta do Arenteiro Rui Santos. 

Ao final, reparto de puntos neste partido con horario matinal, o Arenteiro regresa a O Carballiño cun punto máis para sumar ao obxetivo da permanencia na terceira división.

O domingo, as 17:30 horas no Estadio Municipal de Espiñedo, partido clave ante o tamén equipo coruñés do Paiosaco.

Nin a choiva nin o frio impediron que o campo da fútbol da Uceira rexistrase un ambiente de gala nesta tarde de sábado, que concluíu coa alegría do ascenso á Liga Galega do equipo xuvenil do CD Arenteiro, que forma parte da estructura do fútbol base que xestiona o club mediante un convenio de colaboración co Concello do Carballiño.

O equipo adestrado polo tandem Padrón-Portela proclamouse campión a falta de dous partidos para rematar a liga ao derrotar ao Velle por 3-1 e consigue recuperar a categoria que perdera a tempada anterior

O equipo adestrado polo futbolístas do equipo de terceira división, o tandem Padrón-Portela, procámase asi brillante campión e consigue o ascenso directo á Liga Galega Xuvenil.

Neste encontro ante o Velle, que chegaba á Uceira como segundo clasificado a 3 puntos dos verdes, o Arenteiro gañou con goles de Manu (2) e o máiximo goleador do equipo e da categoria, Cristián.

O alcalde Francisco Fumega e o presidentes do club carballiñés de patinaxe Aehde presentaron este destacado evento deportivo que pon a O Carballiño no mapa da patinaxe nacional, e que ademáis repercutirá directamente na economía local ao atraer a numeroso público.

Uxío Álvarez, en representación do Club Aehde, o organizador de evento, aproveitou o acto para reivindicar a filosofía da entidade que preside: O camiño da promoción é o que nos leva a embarcarnos nesta aventura, destacando que O Carballiño é a única localidade fora de grandes cidades ou capitais de provincia que alberga unha proba do calendario estatal de freestyle neste ano 2019, e a única tamén da comunidade autonómica polo que a proba é unha aportunidade para O Carballiño e para Galicia e a patinaxe galega. Neste senso o presidente explicou que a idea inicial da Real Federación Española de Patinaje era darlle a organización a unha cidade pero que unha vez escoitados os argumentos e analizado o programa propostos non dubidou en confiar no Carballiño, que xa o ano pasado organizara unha proba do Trofeo Federación Española.

Neste evento están inscritos 133 patinadores pertencentes a 15 clubes de once comunidades autonónicas diferentes e entre eles destaca a presenza de Marina Oliveras, a moañesa campiona do mundo de salto de altura, que tamén se atopa entre os matriculados. Uxío indicou, ademáis, que para participar na proba de O Carballiño houbo que superar o corte dos campionatos autonómicos, o que significa que a calidade prima sobre a cantidade e con nós estarán os grandes especialistas do freestyle en España.

Ademáis o evento, que estará dirixido polos técnicos da RFEP, tamén sirve para a promoción de O Carballiño e neste senso, cada participante ten un dossier sobre todo o que facér en O Carballiño, porque todo o que podamos facer pola promoción do noso povo é pouco. Neste sentido destacou que se está notando na ocupación hoteleira, cun bó número de reservas nunha fin de semana a cabalo entre o Antroido e a Semana Santa. O evento será retransmitido en streaming para todo o mundo.

A Copa de España arrancará as nove e media do sábado no pavillón Paco Chao en xornada de mañá e tarde e rematará o domingo pola mañá. Ao remate de cada unha das tres sesións haberá unha exhibición da Escola Municipal de Danza de O Carballiño.

Por outra banda, Uxío Álvarez aproveitou para lembrar o músculo do Club Aehde na actualidade con equipo de competición de patinaxe artística, un grupo de show, unha escola de artística, unha actividade de patinaxe en liña denominada Patinaxe en Familia e outro de patinaxe de adultos estando en proxecto a creación dunha escola de patinaxe freestyle e velocidade de cara ao vindeiro curso.