Deportes

Manel Vázquez xa ten sustituto no banquiño de Espiñedo, tras a renuncia presentada polo adestrador ourensano chega ao Arenteiro un técnico que veu desenvolvedo toda a súa traxectoria como adestrador na comarcas de Santiago e o Barbanza.

Club Deportivo Arenteiro comunica que tras unha reunión celebrada a última hora da tarde deste martes nas oficinas do Estadio de Espiñedo, quedou cerrada a contratación de Rogelio Gómez “Gelucho” como novo adestrador do equipo en Terceira División, o compromiso prolongaráse ata final da tempada en Maio de 2019.

Coa súa contratación, o Club aposta por un adestrador con gran experiencia no fútbol galego e bo coñecedor da 3ª división, onde dirixíu a equipos como Negreira, Lalín, Santa Comba ou Boiro. O último equipo que adestrou, nas últimas dúas tempadas, foi á Agrupación Estudiantil, en preferente, equipo ao que nos enfrontamos na promoción de ascenso á terceira en 2017.

Na actualidade estaba ligado ao fútbol base no equipo santiagués do Conxo.

Natural e veciño de Cacheiras (Teo) conta con 48 anos de idade.

Gelucho chega acompañado de Diego Gutiérrez Ramos “Guti”, como preparador físico e 2º adestrador, que estuvo como preparador físico nas bases da SD Compostela e no CD Estradense en Preferente.

O novo adestrador será presentado este xoves dia 22 de Novembro no Estadio de Espiñedo, e seguidamente dirixirá a súa primeira sesión de adestramento.

O Arenteiro caeu derrotado por 1-0 na súa vista ao campo da Porta Santa de Paiosaco, nun partido moi igualado e no que o mái xusto polo visto sobre o terreo de xogo houbese sido un empate.

Porque o denominador común durante a maior parte do partido foi a igualdade entre ambos equipos, incluidos os 15 minutos finais nos que o Arenteiro quedouse en inferioridade pola expulsión de Padrón, ao ver doble cartón amarelo.

O Arenteiro, con Juan Carlos Aguiar como adestrador en funcións, xogou este partido cun 4-4-2, controlou ben ao Paiosaco e sobre todo na primeira parte, chegou máis veces á portería rival, aínda que sen facer ocasións claras, agás  un disparo de Hugo Sanmartín que deu no longueiro xa co gardameta local batido.

Aos 9 minutos da segunda parte chegou o gol local, aínda que o guión do partido apenas cambeou. Seguíu sendo o Arenteiro o que máis buscaba a portería contraria, pero con pouca claridade nos metros finais.

Unha xogada pudo marcar o rumbo do partido, xa que mediada esta segunda parte o árbitro pasou por alto un clamoroso penalti  sobre Hugo Sanmartín, que fixo enmudecer á grada.  local. Definitivamente, parece que este ano o Arenteiro non está a ter moita sorte coas arbitraxes.

Para ver a ficha do partido sigue o seguinte enlace:http://www.futgal.es/pnfg/NFG_CmpPartido?cod_primaria=1000120&CodActa=45...

Cronica do partido en "La Voz de Galicia":www.lavozdegalicia.es/noticia/carballo/a-laracha/2018/11/19/gol-solitari...

Club Club Deportivo Arenteiro comunica que a partir deste mércores 14 de Novembro, Manel Vázquez deixa de ser adestrador do equipo de terceira división, con él tamén abandonan o club todos os seus colaboradores no cadro técnico.

Este días atrás, o técnico trasladoulle ao presidente do club o seu desexo de renunciar ao seu cargo como adestrador e máximo responsable da dirección deportiva do primeiro equipo, expoñendo motivos de índole persoal que nada teñen que ver coa marcha deportiva na actual competición, motivos que son respectados e entendidos por esta Xunta Directiva.

O Club expresa o seu agradecemento público a Manel Vázquez polo seu traballo, esforzo, paixón e entrega a Club Deportivo Arenteiro durante estas case catro tempadas que exerceu como adestrador, levando a CD Arenteiro a vivir a súa etapa máis exitosa dos últimos 25 anos. Fíxose cargo do equipo en Preferente a mediados da tempada 2015/16 logrando o 7º posto, na tempada 2016/17 conseguíu guiar ao Arenteiro ao ascenso á terceira división, categoría na que consolidou ao equipo na tempada 2017/18. Na actual tempada deixa ao equipo clasificado no 8º posto tras 12 xornadas de liga.

O mesmo agradecemento faise extensible dende o club a todo o seu equipo técnico, o 2º adestrador Julio Nóvoa, o preparador físico Santi Ferrón, o utillero Zeus Álvarez, e o delegado Manuel Bolaño. A todos desexámoslle moita sorte e que sigan acadando grandes éxitos.

Ademáis o Club anuncia que pasa a exercer como adestrador en funcións Juan Carlos Aguiar, adestrador de porteiros, que dirixirá ao equipo o próximo domingo en Paiosaco.

Aos 12 minutos o marcador de Espiñedo xa sinalaba o 0-3 favorable aos coruñeses, un resultado que xa non se movería no resto do partido nunha tarde para esquecer por parte do Arenteiro.

No primeiro minuto primeiro gol dos visitantes, que dous minutos despois -no 3 de partido- se encontraron co segundo gol tras un inoportuno resbalón de Rui. Tampouco tardaría en chegar o terceiro e defintivo 0-3, no minuto 12 de partido.

Un horrible inicio de partido dos verdes ao que o equipo non soubo reaccionar en ningún momento, ainda que quedaba moito tempo por diante, pero o Arenteiro xa non foi capaz de volverse meter no partido.

Toca correxir erros e pensar no partido de Paiosaco o próximo domingo, queda moita liga e o Arenteiro sigue octavo na clasificación.

Para ver a ficha do partido preme no seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

Alondras e Arenteiro empataron a un gol no partido correspondente á 11ª xornada do campiontao de liga na terceira división xogado no campo do Morrazo de Cangas, nunha tarde de forte choiva, con tal cantidade de auga que na segunda parte deixou o terreo de xogo impracticable para o futbol.

E de tal maneira que os xogadores de ambos equipos tiveron que facer un enorme derroche físico ante as contínuas frenadas do balón, e asi durante toda a segunda parte, na que o único que podía intentarse eran os desplazamentos longos de balón e esperar un golpe de fortuna que decidise o partido.

Adiantouse o Arenteiro co 0-1 no minuto 28, cun centro de Hugo Sanmartín que mandou Ross e tal como viña o balón ao fondo da portería local, dez minutos máis tarde empatou o Alondras aproveitandose dunha das poucas concesións que fixo en defensa o Arenteiro.

Na segunda parte, pouco pode comentarse xa que o estado do terreo de xogo condicionou o desenvolvemento do partido. Se acaso, destacar dúas boas intervencións de Rui Santos en dous balóns que collían portería pero que o gardarredes do Arenteiro desviou con solvencia. E nos minutos finais dous saques de esquina consecutivos a favor do Arenteiro, o primeiro deles rematado por Portela e salvado sobre a liña de gol por un defensor local.

Para ver a ficha do partido sigue o seguinte enlace: 

http://www.futgal.es/pnfg/NFG_CmpPartido?cod_primaria=1000120&CodActa=45...

Crónica do partido en Faro de Vigo:

https://www.farodevigo.es/deportes/2018/11/05/crisis-instala-o-morrazo/1...

Máis de cen pilotos participarán esta fin de semana na VI XTremo Mesego, que se disputará no Carballiño coa asistencia de grandes figuras nacionais e internacionais do enduro.

Así, entre os inscritos figuran Pol Tarrés, gañador das dúas últimas edicións; Álex Hidalgo e Ni Esteves, gañador portugués da clase Expert Lagares 2018.

O evento, que terá lugar o sábado 3 e o domingo 4, e que contará con pilotos procedentes de Cataluña, Euskadi, Andalucía, Madrid, Galicia e Portugal, entre outros lugares, foi presentado este mediodía polo concelleiro de Deportes, Manuel Dacal, e o presidente de XTremo Mesego, Juan Caderno.

O programa da sexta edición de XTremo Mesego comezará ás 11,00 h do sábado 3, en Pena Cobertoira, onde terá lugar unha proba especial cronometrada, cuxo remate está previsto para as 14,30 h.
Tamén o sábado, pola tarde, a partir das 17,00 h., celebrarase o prólogo urbano na rúa Ben Cho Sey.
E o domingo, día 4, terá lugar a partir das 10,00 h., en Pena Cobertoira, a última proba, cuxo remate está previsto para as 15,30 h.

 Ninguén en Espiñedo, nin xiquera o público visitante, se explican cómo non se pode pitar un penaltí tan claro e ademáis cando o colexiado lucense Iván Abel Bruzos estaba a apenas un par de metros da xogada para ver como o defensor do Céltiga derriba clarísimante a Hugo Sanmartín, inexplicable.

O penalti que non quixo pitar o árbitro chegou no tramo final do partido cando o marcador xa estaba empatado e co Arenteiro envorcado sobre a portería do Céltiga en pos do gol que lle dera unha victoria que finalmente non chegaría.

O Céltiga encoentrouse cun gol cando apenas ían 9 minutos de partido, e pouco máis fixo durante o resto da tarde. Tampouco o Arenteiro estivo acertado durante a primeira parte, de fútbol rácano por ambos bandos.

Na segunda parte o guión do partido foi xa moi distinto, e cun único equipo sobre o terreo de xogo, os verdes acorralaron na súa área ao Céltiga, que unhas veces con fortuna e os postes, outras pola falta de finalización dos dianteiros verdes, e noutra cunha gran intervención do gardameta Marcos Bermúdez, conseguiron sair vivos de Espiñedo e regresar a Illa de Arousa cun punto.

O Arenteiro nesta segunda parte tivo que esperar a que chegase o empate cun autogol de Capi e so lle faltou un pouco de acerto nos últimos minutos para gañar un partido que fixo méritos suficientes para conseguilo.

Espiñedo rexistrou unha entrada practicamente habitual, a pesar do Barsa-Madrid e, sobre todo, o tremendo frio desta tarde, con apenas 5 graos de temperatura ambiente no horario do partido. 

Para ver a ficha do partido preme no seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

 Arenteiro é o único equipo da Terceira División que compite co horario televisivo do Barsa-Madrid, o club mantén o seu horario tradicional e recibirá dende aa cinco da tarde ao equipo arousano do Céltiga, a priori, un rival directo na loita por manter a categoria.

Os verdes terán as baixas de Adil, lesionado, e Adrián Pol, por acumulación de cartóns amarelos.

Un solitario gol do dianteiro local Escobar ao inicio da segunda parte foi sufiente para que o Arenteiro regrese a O Carballiño cunha derrota, nun partido para esquecer dos verdes que non souberon sacar ventaxa a superioridade numérica no campo, xa que o Lugo B xogou a maior parte do partido cun xogador menos por doble cartón amarelo.

Pero non era o dia do Arenteiro, que saíu mal e propiciou un carrusel de oportunidades para os locais que salvaron os postes e un outra vez enorme Rui Santos.

Tras quedar o Lugo B cun xogador menos, o partido foise equilibrando, ata que no inicio da segunda parte chegou o gol local. A partir de ahí, os lucenses defenderon a ventaxa no marcador sen grandes agobios, porque o Arenteiro estaba moi espeso e non era capaz de dar coa tecla.

Asi e todo, Mitogo dispuxo de unha clara ocasión para empatar, pero cando xa os verdes cantaban o gol, un defensor do Lugo B salvou in extremis.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...