Deportes

O partido tivo unha primeira parte de xogo moi discreto e sen apenas ocasións de gol por ambos equipos, aínda que o Arenteiro logrou adiantarse pouco antes do descanso cun gol de cabeza conseguido por Vitti.

A segunda parte xa foi outra historia. Salvo os minutos iniciais nos que o Portonovo gozou dunha boa ocasión que desbaratou cunha boa intervención o meta local Israel, logo sería o Arenteiro quen tería varias ocasións para sentenciar o partido. Por dúas veces Sanginés, que fallou na definición, e un balón que se foi o longueiro tras un cabezazo de Vitti.

Pero a xogada polémica da tarde aínda estaba por chegar cando, aínda co 1-0 no marcador, o árbitro vigués José Antonio Varela anula, a instancias do xuíz de liña, un gol a Vitti. Como pode apreciarse na fotografía, o dianteiro do Arenteiro cabecea en posición totalmente legal, pero cando os xogadores do Portonovo xa ían camiño do centro do campo, anulan o gol. Erro de bulto no trio arbitral vigués.

Logo empataría o Portonovo e xa no tempo de desconto, Martín Pérez tivo nas súas botas o gol da victoria, pero o seu tiro foi desviado por un defensor visitante.

Ambos equipos remataron o partido cun xogador expulsado, no Arenteiro Pana. Tamén ensinou cartón vermello ao adestrador local, Manel Vázquez e o preparador físico do Portonovo.

No CD Arenteiro xogaron: Israel, Vilachá, Dafonte, Victor Gallego, Pana, Bardelás, Dani Chimpín, Martín Pérez, Sanginés, Vitti e Dani Vázquez. Tamén xogaron Esteban e Iván Portos.

A praga de lesións que afecta ao equipo, unida aos dous sancionados para este partido, obrigou ao Arenteiro a viaxar en cadro ao campo do terceiro clasificado, con 4 xuvenís para completar a convocatoria e o gardameta Pachi, que debutou como xogador de campo. Pero elo non foi impedimento, cousas do fútbol, para que os verdes realizasen unha soberbia primeira parte, sen dúbida a mellor do campionato, con unha, dúas, tres...e ata catro boas ocasións de gol, un balón ao pau da portería do Gondomar, e dúas sensacionais intervencións do meta local que evitaron que o Arenteiro deixara sentenciado o partido nesta primeira parte, na que Vitti acertou a adiantar aos verdes ao batir de tiro raso e cruzado ao porteiro local, xa no minuto 41.

A segunda parte comezou igual que a primeira, o Arenteiro sendo amo e señor do partido, cun Gondomar que era incapaz de xerar perigo ante a portería de Israel, pero cando parecía que era cuestión de minutos que chegase o segundo gol carballiñés, producese unha decisión arbitral que resultou clave no partido: no minuto 67 a expulsión de Maxi ao ver o segundo cartón amarelo, nunha xogada que chega precedida dunhas claras mans dun xogador local que o árbitro coruñés Diego Lago non quere ver. E non so eso, porque o colexiado non mide por igual raseiro aos dous equipos e castiga aos xogadores do Arenteiro ata con 9 cartóns amarelos, evidentemente condicionando o partido.

Con superioridade numérica no campo, o Gondomar, sabedor do que se xogaba, empurra e consigue o empate no minuto 75 por medio do pichichi da categoria, o dianteiro Aitor Gómez. O Arenteiro rearmase na retagarda e aguanta o resultado ata o final.

CD Arenteiro: Pachi, Dafonte, Maxi, Victor Gallego, Pana, Bardelás, Dani Chimpín, Martín Pérez, Sanginés, Vitti e Esteban. Tamén xogaron os xuvenís Iván Portos, Rivera, Cristian, Mario e como xogador de campo, Pachi.

O Arenteiro tivo que remontar un marcador adverso tras adiantarse o Mondariz no minuto 44, polo que se chegou ao descanso co 0-1 no marcador tras unha primeira parte bastante igualada e na que os verdes tamén tiveron un par de ocasións de gol. Pero foi Hugo Tei lanzando maxistralmente unha falta sobre a portería de Israel o que marcou o único gol da primeira parte.

O guión do partido cambeou radicalmente tras o paso por vestiarios. O Arenteiro saíu con decisión en busca da remontada, metendo outra velocidade ao partido que sorprendeu e deixou noqueado ao rival. No minuto 53, tras un tiro de Martín Pérez dentro da área, rexeitou o porteiro visitante e Victor Gallego fixo o gol do empate.

O Arenteiro era un vendaval sobre a área do Mondariz, e no minuto 70 Martín Pérez, de cabeza, volteou o marcador a favor do equipo carballiñés. Despois chegou o penalti a favor do Arenteiro que desperdiciu Dani Chimpin, enviando alto o balón, pero o Mondariz xa estaba cun xogador menos tras a expulsión do central Samu, que ademáis protagonizou un feo xesto á arbitro ferrolanana Raquel Orge.

Xa co Mondariz buscando á desesperada o gol do empate, o que chegaron na recta final do partido foron os goles de Vitti e Sanginés para redondear o resultado para o Arenteiro, merecido pola súa sensacional segunda parte.

CD Arenteiro: Israel, Vilachá, Dafonte, Aitor Martinez, Pana, Victor Gallego, Bardelás, Dani Chimpín, Martín Pérez, Vitti e Martín Pérez. Tamén xogaron Maxi, Sanginés, Esteban e Iván Portos.

Empate sen goles no encontro de ida correspondente aos cuartos de final da Copa Deputación de fútbol, xogado na tarde do Xoves Santo no Estadio de Espiñedo, que rexistrou unha boa afluencia de público. O Arenteiro dominou o partido durante os 90 minutos, pero foi un dominio absolutamente estéril, incapaz de crear ocasións claras de gol, mentres que os alaricanos a duras penas traspasaban a liña divisoria do centro do campo.

As contadas ocasións de gol do Arenteiro chegaron nos primeiros compases do encontro, despois foi un querer e non poder, sobre todo nos metros finais. No minuto 44 pudo variar o signo do partido, pero o meta alaricano Kote desviou o penalti lanzado por Martín Pérez. Na segunda parte, na que ademáis o Allariz evidenciou un baixón físico, o Arenteiro seguíu co seu dominio ficticio, deixando a resolución da eliminatoria para o partido de volta no Luis Cid Carriega, alá para o 17 de Maio.

CD Arenteiro:Pachi, Marcos Castro, Maxi, V. Gallego, Pana, Dafonte, Martín Pérez (Esteban, m.71), Dani González (Vilachá, m.80), Dani Vázquez (Naym, m. 85), Vitti e Marcos Sotelo (Iván Portos, m. 26)

Non pudo ser, o Arenteiro aguantou bastante ben na súa visita ao Céltiga durante a primeira parte, tras a que se foi ao descanso co 0-0 inicial. Pero ao inicio da segunda metade -minuto 48- o equipo insular conseguíu marcar o seu primeiro gol, que lle díu alas e obrigou ao Arenteiro a arriscar algo máis do que o fixera ata o momento.

Aos 66 minutos de xogo chegou o segundo gol dos locais, que parecía sentenciar o partido, ao que daría emoción no tramo final o gol de Esteban no minuto 85 para o Arenteiro. Aínda quedaba tempo. pero o equipo da Illa de Arousa soubo aguantar o resultado favorable, vital para as súas aspiracións de ascenso á terceira división.

CD Arenteiro: Pachi, Vilachá, Aitor, V. Gallego, Pana, Dafonte, Bardelás, Dani González, Sanginés, Vitti e Marcos Castro. Tamén xogaron Dani Vázquez, Martín Pérez, Maxi e Esteban.

O Xoves Santo, partido de Copa en Espiñedo ante o Allariz

Este xoves dia 24 de marzo, Xoves santo, xógase en Espiñedo ( 17:30 horas ) o partido de ida de cuartos de final da Copa Deputación, torneo no que o Arenteiro é o vixente campión. Enfronte terá ao CD Allariz, ao que logo devolverá visita no partido de volta o 17 de Maio.

A tenista Rebeca Baliña Costa, da Escola Deportiva Municipal de Tenis do Carballiño, competirá esta próxima fin de semana en Cataluña por un título nacional.

Trátase do XVI Trofeo Alberto Costa Sub´13, que se desenvolve en Urgell, en Lleida, do 19 ao 23 de marzo, e está considerado como o Campionato de España sub 13 con carácter oficioso.

De feito, tenistas tan salientables como Rafael Nadal ou Tommy Robredo gañaron este trofeo no seu día.

De aí que para o concelleiro de Deportes, José Manuel Dacal, teña un gran significado como deportista abandeirada das escolas deportivas municipais do Carballiño.

Rebeca Baliña é neste intre a segunda mellor xogadora infantil de Galicia e a primeira de Galicia sub 13. E conta con numerosos galardóns como: campiona no torneo infantil III Torneo de Reis RSD Hìpica 2016, campeona do I Torneo Infantil do Open de Tenis D10 2015, subcampiona de alevín femenino do Master Galego Circuito Xuvenil Babolat 2015, Subcampiona en alevín femenino da 4ª Proba Circuito Galego Babolat 2015 e campeona en alevín femenino da I Proba Circuito Galego Babolat 2015.

José Manuel Dacal, que asistiu a unha xornada de entrenamento na escola deportiva municipal para felicitar ao entrenador, Óscar Cuña, e a esta xogadora, considera que é un verdadeiro orgullo contar cunha deportista deste nivel, que leva moi alto o nome do Carballiño por Galicia e por España. E desexoulle o maior dos éxitos nesta competición de tanto prestrixio

Tarde primaveral e fenomenal entrada no Estadio Municipal de Espiñedo para ver unha nova victoria do Arenteiro, malia que os verdes comezaron moi mal o partido, nunha primeira media hora de aturdimento total do equipo local. Afortunadamente, os vigueses non souberon aproveitalo e na segunda parte o Arenteiro pudo recompoñerse e lograr 3 puntos máis que permiten aos carballiñeses escalar na clasificación e situarse sextos.

Saíu de inicio o Arenteiro fora do partido, sobre todo na zona de creación do equipo e na parte de atrás, e ata que transcurrida media hora o equipo comezou a reaccionar tímidamente. O paso por vestiarios foi providencial, xa que ao reinicirse o partido e nun saque de esquina e a colaboración da defensa visitante, Maxi lograba empurrar o balón e abrir o marcador. O Valladares, que xogou boa parte do segundo periodo con 10 xogadores ao ver doble cartón amarelo un dos seus defensas, xa non logrou repoñerse, e so foi capaz de aproximarse á porteria do Arenteiro en xogadas a balón parado. Coincidindo co baixón físico dos vigueses, no minuto 65 Martín Pérez colocou dende a banda un excelente balón na cabeza de Alberto e éste fixo o segundo e defintivo gol da tarde.

CD Arenteiro: Israel, Marcos Castro, Maxi, Aitor, Pana, Bardelás, Victor Gallego, Marcos Sotelo, Dani Vázquez, Martín Pérez e Alberto. Tamén xogaron Dafonte, Vitti, Dani González e Vilachá.

Os locais non deron opción a un Arenteiro que tirou -literalmente- a primeira parte, do minuto 1 ao 45, o Porriño Industrial foi netamente superior, unha superioridade fraguada no centro do campo, onde unha e outra vez marcaron a difererencia, levandose todos os balóns nesta parcela e superando a un fráxil Arenteiro con dous goles nos minutos 14 e 31. Partido correspondente á 28ª xornada na Preferente Galicia, desputado no campo de Lourambal, con presenza de afeccionados do Arenteiro, entre eles varios carballiñeses residentes en Vigo.

Tras o paso por vestiarios, non podía reanudarse o partido de mellor forrma para o Arenteiro, que no minuto 46 recurtaba diferencias no marcador cunha xogada protagonizada en banda por Sanginés, éste envia un balón ao primeiro pau e Martín Pérez, anticipandose á defensa, marca o único gol da tarde para os verdes.

Pero a pretendida reacción foi máis o espellismo do gol que outra cousa, porque o Arenteiro estivo no partido apenas un cuarto de hora, logo no minuto 63 xa chegaba o terceiro do Porriño e no 81 o cuarto e último gol da tarde para un bo Porriño Industrial, xusto vencedor do encontro.

CD Arenteiro: Pachi, M. Castro, Maxi, Aitor, Vilachá, Dafonte, Bardelás, Victor Gallego, Martín Pérez, Dani González e Alberto. Tamén xogaron, Sanginés, Vitti, Iván Portos e Esteban.

Luis Iglesias e Beatriz Fernández, resultaron vencedores absolutos, nas categorías masculina e feminina, da IV Media Maratón disputada este domingo no Carballiño.

Iván Docampo e Marina Losa, resultaron vencedores na categoría de 7 Km.

A proba, de 21,9 km., que se recorreron tras dar tres voltas a un circuito que partía da Avenida do Balneario e ía ata a Pena dos Namorados, bordeando o entorno do Parque Municipal, tivounha alta participación, con 350 corredores e corredoras, e foi seguida por numeroso público.

Ao remate da carreira, o atleta nado en Leiro con licenza do Club Atletismo Carballiño, Luis Iglesias Raña, alzouse co triunfo. En segundo lugar quedou José Manuel Corral e en terceiro, Carlos Lorenzo.

Na categoría feminina, venceu Beatriz Fernández, seguida de Mª del Rosario Figueroa e Sonia Teijeiro Ferro.

José Canda gañou a media maratón na categoría senior, seguido de José Luis González e Roberto Santos. E en VAF gañou Maiuca Cortón, seguida de Almudena Vázquez e Lola Rodríguez.

Iván Docampo, gañou a proba de 7 km., seguido de Albino Fernández García, e foi terceiro Cristóbal Dafonte Diéguez.

Nacategoría feminina, a vencedora abolutafoi Marina Losa Miranda, seguida de Lucía Requeijo Requeijo e Elena Pérez González.

Na categoría senior masculina, os vencedores foron: José Canda Lozano, José Luis González Núñez e Roberto Sántos Núñez.

En VAF Feminino, as vencedoras foronMaiuca Cortón, Almuedena Vázquez Fernández e Laia Rodríguez González.

O equipo de atletismo do Carballiñor ealizouunha boa competición, acabando clasificado entre os tres primeiros e subindo ao podio.

Cara á unha e media da tarde, entregáronse os premios, poñendo fin a esta competición organizada polo Club de Atletismo do Carballiño, e a colaboración da área de Deportes do concello.

O deporte acaparará a actualidade informativa esta proxima fin de semana no Carballiño. Trátase de dous eventos de gran significado, tanto pola participación como pola repercusión que terán na vila, sobre todo, no sector hostaleiro e entre as afeccións ao motor e ao atletismo.

O VIII Ralli do Lacón de Clásicos e a IV Media Maratón foron presentados hoxe no decurso dunha rolda de prensa á que asistiron o concelleiro de Deportes, José Manuel Dacal, e os responsables da Asociación de Coches Clásicos Arenteiro, José Manuel Mosquera e José Antonio González, e do Club Carballiño de Atletismo, Fernando Guerra.

Neste acto, tamén se presentou a proba da ultramaratón O Carballiño-Silleda-Santiago, que se desenvolverá o sábado 12 de marzo.

José Manuel Dacal destacou a repercusión destes eventos para a vila do Carballiño, que contan cun número considerable de participantes e seguidores e suporán un aliciente para os veciños e os visitantes durante a fin de semana.

Con respecto ao Ralli de Clásicos do Lacón, o concelleiro sinalou, como novidade, a montaxe dunha carpa na Praza do Emigrante, para que os organizadores poidan ofrecer o xantar e a cea aos conductores e copilotos participantes, mantendo así a concentración dos coches en lugares céntricos do Carballiño.

O ralli ten prevista a salida ás 10,30 h., do sábado, 5 de marzo, para iniciar un itinerario turístico-gastronómico de 280 quilómetros por diversas zonas da comarca, durante sete horas.

Así, visitarán San Amaro, Maside, O Carballiño de novo (13,30 h.), Cenlle, Ribadavia, Melón, A Cañiza, Ribadavia de novo, Leiro e remate no Carballiño.

Porche, BMW, Mini Couper, Lancia, Renault Alpine, SEAT 124 e 127 son algunhas das marcas e modelos de coches clásicos dos anos 70 e 80 que se inscribiron para correr neste ralli que, con case 70 vehículos participantes, pode considerarse como un dos de maior afluencia deste tipo en Galicia.

Así o asegurou o representante da Asociación de Coches Clásicos Arenteiro, José Antonio González, que destacou incluso a presencia dun conductor procedente de Santander, como exemplo da repercusión que acadou este ano o ralli.

O parque móbil da saída establecerase entre a rúa do Paseo e o entorno da Veracruz, mentres o da noite ubicarase no rúa Curros Enríquez. Despois do mediodía, sobre as 14,30 h., haberá un circuito de exhibición na zona do polígono industrial e Corzos.

MEDIA MARATÓN

No que respecta á Media Maratón, que se disputará o domingo, 6 de marzo, hai que subliñar que varía o recorrido das edicións anteriores, cunha parte máis urbana e outra máis natural, como é o parque municipal. Así o destacou o representante do Club de Atletismo do Carballiño, Fernando Guerra, que organiza este evento.

A participación nesta edición da proba ronda os 350 corredores e corredoras, cun circuito de 21,97 quilómetros, entre a Avda. do Balneario, Pº do Arenteiro,   Piscifactoría, Pena dos Namorados, estrada vella de Pontevedra,  Avda. do Parque, Rúa dos Carboeiros e, de novo, Avda. do Balneario.

Son tres voltas a este circuito, con saída fronte ao Auditorio Municipal, ás 10,30 h., e meta no mesmo lugar.

O tempo previsto do recorrido é de 2 horas e 15 minutos, aproximadamente.

Ao remate da proba, sobre a 1 do mediodía, entregaranse aos trofeos aos vencedores e vencedoras.

ULTRAMARATÓN O CARBALLIÑO-SILLEDA-SANTIAGO

Finalmente, Dacal e Guerra referíronse ao último dos eventos presentados hoxe, unha ultramaratón de máis de 100 quilómetros, que se desenvolverá o sábado, 12 de marzo, e que recorrerá unha boa parte do trazado da Ruta da Prata do Camiño de Santiago.

Esta proba, que non ten precedentes en Galicia, ainda que sí en León e Madrid, é unha primeira experiencia que organiza o Club de Atletismo do Carballiño, co obxectivo de que en próximas edicións poida acadar unha gran  resonancia, tanto a nivel  autonómico como nacional e incluso internacional internacional.

De feito, hai unha atleta chinesa inscrita para efectuar esta proba, así como atletas procedentes de Portugal, de As Palmas, de Madrid e de Asturias, entre outros lugares.

Por ser a primeira vez que se organiza esta ultramaratón, só se permitiu a inscrición de 65 deportistas, 25 para facer o recorrido a pé, e 40 en bicicleta de montaña. Isto débese a gran infraestrutura de persoal e medios que se precisa para o habituallamento nas diferentes etapas do camiño, que son dez. Sen embargo, en futuras edicións se irá incrementando o número de persoas inscritas. Hai tres mulleres participantes, unha de nacionalidade chinesa e dúas do Ferrol.

O recorrido total da proba serán 102 quilómetros, con saída ás 7 da mañá da Praza da Veracruz, e chegada a Santiago ás 7 da mañá do día seguinte, o 13 de marzo.

Segundo dixo Fernando Guerra, o valor engadido desta ultramaratón para O Carballiño é moi importante, xa que as persoas participantes pernoctarán en hoteis da vila a noite do venres.