Os taxistas aprópianse da rúa Norte na Alameda

15, Outubro 2014

Da noite para a mañá e sen dar ningún tipo de explicación aos veciños, o alcalde e o concelleiro de tráfico recolocan a parada de taxis e converten un vial público en propiedade privada dos taxistas, prohibindo o tránsito ao resto dos vehículos, a os peóns e mesmo prohibindo o tránsito aos residentes, á carga e descarga dos locais e negocios da zoa; e con frecuencia poñen un vehículo da policía local a súa disposición para multar a todo aquel que non cumpra co novo establecido.

 Que privilexio ten este colectivo para que se reorganice toda a circulación da Alameda e da Praza dos Irmáns Prieto no seu beneficio e en prexuízo do resto dos veciños, teñan feito todas as obras necesarias para iso con diñeiro público, ao mesmo tempo que se cobre o galiñeiro, onde os nenos xogan ao fútbol, para impedir que os balóns vaian sobre os seus vehículos; e pola contra, non cumpren coa normativa que esixe o valado dos parques infantís para poder situalos nese lúar e urbanísticamente non é autorizable.

 Sres. alcalde e concelleiro, salide e dade aos veciños as razóns que vos levaron a hipotecar deste xeito o patrimonio municipal, que os viais non son vosos, son de todos os veciños.