Para cando oficinas consulares do concello en Arxentina

Eu sinto moito o non poder aceptar que se tache de "catadura moral baxa" aos que criticamos o despilfarro das diferentes administracións ( Deputación e diferentes concellos peperos e non peperos) nunha viaxe na que se enviou unha comitiva excesivamente brutal, que non arranxou nin un dos problemas dos emigrantes, nin deixou un peso alí nin aquí (que achegou valor cero) ao marxe dos voluntariosos viaxeiros que cos cartos do contribuinte alí se presentaron, e o polbo das caldeiras.

Para homenaxear esa asociación, que sen dúbida meréceo, bastaría con enviar unha comitiva dos representantes destas administracións (alcaldes.presidentes da corporación) , sexan dos partidos que sexan, e sen complexos (eso pódese entender). Ou traer aos representantes (presidente, secretario e tesoureiro) desa asociación, homenaxealos aquí, e enviar unha parte deses cartos que se despilfarraron, para sustentar parte das necesidades desa asociación, de tal xeito que a xente de a pé saíse beneficiada. Eso sería intachable moralmente e tamén dende o punto de vsta da xestión eficaz dos cartos do contribuinte.

Pero non podo aceptar, nin moitísimas persoas poden facelo (máis das que pensan algúns), que se poida tachar de catadura moral cuestionable a quenes criticamos estas comitivas satélite do baltarato e da patochada esa da "ourensanía". A este ritmo imos ter que crear oficinas consulares satélite da gran embaixada Baltar.

Persoalmente a actitude de Chema paréceme de dez. Incuestionable (quítome o sombreiro aínda que non o teño), fago un saúdo militar que ven de cando os cabaleiros subían o casco para mirarse aos ollos antes da contenda.

Pagou o desplazamento do seu peto. E esta conducta loable e intachable  vese manchada moralmente coa incongruencia de tachar como de moralidade cuestionable a quenes opinamos que o camiño correcto é o de Chema, ou o de Bernardo (se vas, vas cos teus cartos,se se non non vas). Quenes deben ir cos cartos do contribuinte son os representantes (alcaldes), e punto, ou facer que veñan os representantes de alá. E apelar a que a asociación meréceo, ademáis de pura demagoxia é unha perogrullada. Non quero facer un relatorio da xente que viaxou (coas máns vacías, sen aportar nin un gramo de valor), pero dende logo moralmente penso que estou nunha posición máis digna, eu,  e o resto de contribuintes.

Porque non existe eso dos cartos públicos, non caen do ceo. Veñen do catastrazo, dos actos xurídicos documentados afectados tamén polo catastrazo, da suba de taxas, e da suba xeralizada de todos e cada un dos impostos e taxas. Esto non é populismo é ter os pes no chan.

Así que por favor, moralinas as xustas.