A precariedade da sanidade pública e as liortas políticas

A plataforma SOS O Carballiño fai un chamamento á reflexión á clase política de O Carballiño con motivo da precariedade existente na sanidade pública, e que se viu reflectida na manifestación do pasado domingo en Compostela.

Mentres os nosos representantes políticos andan inmersos nun sen sentido de loitas internas, primarias, plenos extraordinarios, etc. os galegos e galegas maniféstanse por unha sanidade pública de calidade ¿ É o Carballiño alleo a esta problemática? Desde SOS O Carballiño pensamos que non, pois como veciños e veciñas vivímolo en primeira persoa: TAC´s e resonancias que non dan chegado, coidados paliativos que se fan na casa, listas de espera interminables, saturación da atención primaria, e un largo etcétera. Entendemos que non chega coa representación dos máximos referentes dos partidos políticos senón que aqueles que nos representan en proximidade deberían facer todo o posible en poñer solución a un dos problemas máis graves da Galicia actual.

Facemos un chamamento a todos os representantes para que se poñan do lado dos problemas reais da xente.