Escoita aquí a entrevista a "Rodrí" con toda a programación da "18 Festa do Viño de Cenlle", que se celebra esta fin de semana nesta localidade ribeirán.
O sábado 1 e domingo 2 de xuño celébrase a "18 Festa do Viño de Cenlle", con diversas actividades nas que o viño é o gran protagonista.
O sábado ás 19:30 horas será o pregón que este ano estará a cargo do exalcalde de Cenlle e gran impulsor desta festa, Antonio García Montero. A charanga "Bandiños Band" amenizará a ruta das adegas, nas que os visitantes degustarán os viños de seis adegas. A partir da medianoite a animación correrá por conta da disco-móbil "Gramola".
O domingo a amenización musical correrá a cargo da charanga "Castro Bello", con apertura das adegas a partir das 11 da mañá en adiante. Os visitantes encontraránse na Praza da Tenencia de Cenlle con exposición de maquinaria agrícola e tractores históricos, e a partir das 14:30 horas o xantar organizado cun menú a base de polbo, carne ao caldeiro, pan, sobremesa e os mellores viños de Cenlle.
Escoita no PODCAST a entrevista de Xan Pinal a José Antonio Rodríguez Fernández "Rodri":
