No pleno extraordinario e urxente celebrado hoxe, 13 de outubro, o grupo municipal do BNG de Cenlle solicitou oficialmente a creación dunha comisión de investigación para esclarecer a xestión da auga e determinar as responsabilidades políticas derivadas da débeda e sancións impostas a causa da neglixencia dos gobernos municipais do Partido Popular.

Segundo denunciou o BNG, o Concello de Cenlle foi sancionado por Augas de Galiza con máis de 236.000 euros despois do Concello aportar hoxe mais datos vemos que esta cifra vai incrementarse podendo pasar dos 300.000€ debido a que, desde o ano 2018, non ingresou o canon da auga recadado á veciñanza, malia figurar cobrado nos recibos.

O boletín informativo municipal xa recolle que a débeda real supera incluso esa cifra, acumulando xuros de demora e recargas que agora o actual goberno do PP pretende repercutir nos fogares do municipio. O portavoz nacionalista, Xosé Gabriel Alberte, subliñou que “non pode ser que tres alcaldes distintos do PP durante sete anos deixasen sen pagar o canon e que agora ninguén saiba onde foron parar os cartos que saíron dos petos da veciñanza”.

Por este motivo, o BNG considera imprescindíbel abrir unha investigación política, independentemente da vía xudicial aberta, para aclarar as posibles vinculacións e responsabilidades directas dentro do Partido Popular de Cenlle.

O BNG advirte que non abonda con depurar responsabilidades administrativas ou xudiciais: tamén é necesario asumir responsabilidades políticas, pois non é críbel que o equipo de goberno “non se enterase de nada” mentres se acumulaban débedas e sancións de tal magnitude.

“A cidadanía de Cenlle merece transparencia, verdade e reparación, non silencio nin escusas”, insistiu Alberte. O grupo nacionalista lembra que leva tempo advertindo da mala xestión do PP, que agora se traduce nun incremento do 5 % no recibo da auga e nunha carga adicional de 162 euros por fogar para facer fronte á multa. O BNG reitera que estes custes non deben recaer sobre a veciñanza, senón sobre quen provocou esta situación.

Finalmente, o BNG insta ao goberno local a:

 Facer pública toda a documentación económica e contable relativa á recadación do canon da auga desde 2018.

 Colaborar coa investigación penal e coa comisión política para esclarecer os feitos.

 Garantir que non se repercutan na veciñanza nin xuros nin recargas derivadas da súa propia neglixencia.

“Non é só un problema económico: é unha cuestión ética e democrática. A xente de Cenlle merece saber onde foron parar os cartos que pagou”, concluíu o portavoz nacionalista.

Falou hoxe o tertuliano Nogueira do problema da auga e a sua gestion que afecta a moitos pueblos e aldeas e do que hai pouca información por parte das administracións.
Os concellos deberian dar mais informacion e charlas  como a auga, a contribución ou os impostos do lixo para que a xente estuvesemos ao dia. Non solo dar explicacions (e poucas) cando nos toca pagar.
Ben por Nogueira por poñer algo de luz e datos sobre as traidas vecinales da auga.

O PSdeG-PSOE de Leiro denuncia a “total falla de transparencia” do goberno municipal do Partido Popular nun acto institucional celebrado no CEIP de Leiro e no que, unha vez máis, non se informou, nin se convidou á oposición municipal. As e os socialistas consideran que este “comportamento sectario” do alcalde e do seu equipo de goberno “non pode continuar” e pídenlles que “muden este xeito de actuar e se teña en conta á oposición, que tamén foi elixida democraticamente pola veciñanza”.

O Grupo Municipal Socialista vén de presentar un escrito por rexistro e dirixido ao rexedor para solicitar explicacións ante a celebración deste acto no CEIP de Leiro, no que non se contou coa oposición. As e os socialistas apuntan que no acto, que contou coa presenza do tenente de alcalde e do concelleiro de deportes do PP “repartíronse camisetas e suadoiros financiadas con cartos públicos”.

Dende o PSOE de Leiro consideran que este acto representa “unha grave falta de transparencia e un comportamento sectario por parte do equipo de goberno do Partido Popular. Os concelleiros socialistas, Pedro José González e Manuel Rodríguez, sinalan que “non é aceptable que se utilicen recursos públicos para accións con claros trazos propagandísticos e nos que se exclúe de xeito deliberado aos concelleiros da oposición”.

As e os socialistas lembran que a súa función como oposición “é defender o interese xeral, a igualdade de trato e a limpeza institucional” e anuncian que “continuaremos vixiando o uso dos recursos municipais para garantir que se empreguen con responsabilidade e transparencia”.

Ante a gravidade da situación, o grupo municipal socialista de Leiro solicita oficialmente que se informe de quen financiou e autorizou a compra e o reparto do material, cal foi o custo total da actividade e con cargo a que partida orzamentaria se realizou. Ademais reclaman que no futuro “se respecte a obrigatoria transparencia municipal e se dea conta á corporación de calquera acto realizado no municipio con fondos públicos, especialmente cando afecta ao centro educativo ou a outras instalacións municipais”.

O PSdeG- PSOE de Boborás mostra  sua preocupación pola grave falta de auga que levan padecendo a veciñanza de Becoña de Abaixo.

Esta problemática leva sucedendo dende o pasado 22 de xuño e segue a pesares de estar en pleno mes de outubro. 

Lamentan que mais  de tres meses despois, esta problemática siga sin resolverse e sen atisbos delo, o que xera un grave problema para os veciños, en especial os que non dispoñen de outras alternativas coma os pozos, os cales ademáis teñen un elevado custe, inasumible para diversas persoas.

 A falta no suministro de auga impidelle realizar actividades básicas e cotidianas os veciños, ademais de dar unha nefasta imaxen do municipio, afastando a posibilidade da chegada de novos habitantes.

 A maiores supón un serio risco ante eventuais situacions de emerxencia, como poden ser os incendios, que se ben este ano foron escasos no municipio existe un risco elevado, polo abandono dos montes e a falta de prevención, segundo indican os socialistas de Boborás.

 Cabe recordar ademais que o abastecemento de auga potable e unha obrigacion municipal segundo a Lei de Bases de Réximen Local, sendo o Concello responsable en último caso, aínda no caso das traidas veciñais coma esta.

 Actualmente non e comprensible que un pobo pase tres meses sen apenas auga, e sen que haxa solucion a vista, máis ala de agardar a que chova, e que o suministro volva, pero a problemática volverase a repetir o próximo verán con toda probabilidade se non se adoptan medidas para solventar esta problemática lamentan dende o PSdeG-PSOE de Boborás.

Desde fai 2 días sale a auga da traída cunha cor branca polo supoño cloro que lle botaron. Ningunha noticia ao respecto nas redes sociales do Concello do Carballiño indicando o motivo e si é apta ou non para o consumo. Esperemos que non pase coma en Maside meses atrás que daban os resultados das analíticas desfavorables e os gobernantes calaban por resposta.

Páxinas