O IES M. Chamoso Lamas organiza para o próximo 16 de Maio dende as 9:30 ata as 12:30 a cabo a II Xornada de emprendedores no salón de actos do centro.

O obxectivo desta xornada é dar a coñecer ao alumnado os recursos que teñen para poder emprender o seu propio negocio e ter de primeira man a experiencia de varios emprendedores que no seu día lanzaron o seu proxecto propio. Trátase dunha actividade aberta ao público en xeral interesado no empredemento.

Descarga o arquivo para ver o programa da xornada:

O delegado territorial da Xunta, Gabriel Alén, puxo en valor o viño galego como principal elemento dinamizador dos territorios que compoñen as cinco denominacións de orixe vitivinícolas da nosa comunidade e, en concreto, referiuse ao que supón para a comarca a D.O. do Ribeiro.

"Temos un sector responsable e sostible coa súa contorna e coas persoas que nos rodean -engadiu- e ao seu arredor progresan moitos pobos e cidades pequenas da nosa xeografía, vertebra o territorio e ofrece emprego de calidade, aliñando esta ruta coa Estratexia de dinamización económica, territorial e turística das comarcas vitivinícolas impulsada pola Xunta en colaboración co sector, coas tres universidades galegas e cos axentes relevantes dos respectivos territorios para acadar a consolidación dos nosos viños nos diferentes mercados”.

Gabriel Alén referiuse deste xeito ao importante papel da viticultura nos territorios rurais nos que se produce, no acto de presentación da Primavera das Portas Abertas na Ruta do Viño do Ribeiro que se desenvolverá entre os días 12 e 14 de maio. “O enoturismo como un turismo dun alto valor engadido e unha potente ferramenta para o desenvolvemento dun tecido socioeconómico moderno, sustentable e con futuro, nunha contorna como é o Ribeiro”, subliñou o delegado territorial.

Diante do presidente da DO Ribeiro, Juan Casares, participante no acto, o delegado territorial lembrou iniciativas como a Estratexia de dinamización económica, territorial e turística das comarcas vitivinícolas de Galicia, impulsada pola Xunta da man do sector. Esta folla de ruta persegue potenciar os ámbitos produtivo, industrial e distribuidor do sector e outros eidos vinculados a el, como son o turismo, o patrimonio ou a paisaxe.

O gran obxectivo da Estratexia é mellorar o posicionamento dos viños galegos, aumentar a súa competitividade en mercados nacionais e internacionais e transformar, de aquí a 2026, a capacidade de xeración de valor dos territorios nos que se produce. No seu desenvolvemento xogará un papel fundamental a futura Lei da calidade alimentaria, así como a Lei de recuperación da terra agraria, para garantir a rendibilidade do sector do viño e a súa sustentabilidade, así como a remuda xeracional. Nesa liña, entre instrumentos de recuperación e reestruturacións parcelarias, xa son arredor de 35.000 hectáreas as que que están a ser mobilizadas na comunidade desde 2020, moitas delas destinadas á plantación e cultivo de vide.

Así mesmo, o delegado salientou o peso do sector vinícola galego, que agrupa máis de 10.000 viticultores e case 450 adegas, cunha superficie que supera as 8.700 hectáreas de viñedos.

Xornadas de portas abertas

Durante toda a fin de semana, do 12 ao 14 de maio, a Ruta do Viño do Ribeiro, ten programada unha ampla oferta de actividades que abranguen visitas guiadas e de balde ás adegas participantes, catas comentadas, descontos en aloxamentos e restaurantes onde poderán degustarse dous menús concibidos especialmente para esta ocasión. Como en edicións anteriores, haberá un ‘Bus do viño’ que sairá desde as principais cidades de Galicia (A Coruña, Santiago, Ourense, Vigo e Pontevedra), o sábado e o domingo, con destino a diferentes puntos do patrimonio histórico e as adegas do Ribeiro, onde se desenvolverán actividades de enoturismo especialmente deseñadas para esta iniciativa.

Outras accións destacables son: o V roteiro de sendeirismo de ‘O Camiño do viño’, rememorando o roteiro que seguían os antigos arrieros; paseos en EcoBarco polo río Miño, a fusión de gastronomía e viño no ‘Ribeiro de tapeo’, e o concerto da banda ourensá ‘En mala hora’ na Praza Maior de Ribadavia. Coa finalidade de respectar os aforos previstos, as prazas son limitadas, e todas as actividades precisan de inscrición previa para participar nelas. As entradas para o Bus do viño e algunhas das actividades, están xa á venda na web Ataquilla.

O IDAE ven de notificar ao concello de Avión unha subvención de 1.099,357 euros, dacordo ao proxecto promovido pola institución municipal para levar a cabo a substitución das luminarias das distintas iluminacións publicas en todas as localidades do municipio. O Orzamento total ascende a 1.293,361 euros.

Son 1.616 luminarias coa nova tecnoloxía LED as que se instalarán, o que repercutirá na mellora da calidade lumínica e suporán un aforro enerxética que se calcula pode representar un abaratamento de ata o 60% en relación á factura eléctrica anual que na actualidade abona o concello de Avión.

Isidro Vidal acaba de lanzar o seu novo sinxelo “Maxia” baixo o selo discográfico “Edicións Bordón”, como preludio ao seu novo albume que sairá á luz o próximo 12 de maio.

“Maxia” é unha canción instrumental que trascende os xéneros e estilos habituais no mundo da gaita de fol, ofrecendo unha experiencia auditiva única que te leva a través dunha viaxe emocional a través da súa melodía engaiolante. Cun son envolvente e unha composición cuidadosamente elaborada, esta melodía inspira a soñar e crer nun mesmo mentras convida a superarse e alcanzar a felicidade.

Esta nova canción descata pola súa melodía pegadiza e tarareable, que che atrapa dende o primeiro momento e lévate a un estado de ánimo positivo e motivador. A través da súa música, Isidro Vidal transmite a súa mensaxe de superación persoal e búsqueda da felicidade, creando unha conexión emocional única coa súa audiencia.

Cunha carreira musical de éxito, Isidro Vidal é recoñecido na escena internacional polas súas habilidades coma músico, tendo realizado concertos nestes últimos anos en Galicia e Estados Unidos, participando en diversos festivais destacados da worldmusic coma o Festival Celta de México, Festival Celtasur (Andalucía) ou o Festival Identidades (Portugal). Ademáis esta composición é unha mostra máis do éxito do seu proxecto #composición365 do que sae esta canción, das que destacan outras como a destacada Muiñeira do Pulpo adicada á Festa do Pulpo do Carballiño.

Vídeoclip: https://youtu.be/a6CE3gNZwsU

Instagram/Facebook: @isidrovidalmusic

O conselleiro de Cultura, Educación, FP e Universidades, Román Rodríguez, e o presidente da Federación de Cineclubes de Galicia (Feciga), Manuel Precedo, asinaron o convenio de colaboración mediante o que a Xunta renova o seu compromiso anual con este colectivo para o mantemento dunha programación cinematográfica estable e de calidade. A oferta de 2023 desenvólvese arredor de 18 ciclos e semanas de cine en 13 cineclubs doutras tantas localidades galegas, entre as que figura O Carballiño.

Segundo recolle o acordo, a colaboración da Xunta materialízase nunha achega de 30.000 euros, a través da que se contribúe á organización e coordinación de 12 ciclos e seis semanas de cine, estruturados arredor dunha temática concreta ou con carácter temporal, a través dos que se reforza o labor dos cineclubs galegos na difusión e creación de públicos para o cinema, ademais de como alternativa e complemento ao circuíto comercial.

Ademáis do Cine-Club Carballiño, participan nesta programación os cineclubs Groucho Marx do Barco de Valdeorras, Bueu, Cangas, Os Papeiros de Chantada, Poleiro de Goián (Tomiño), Valle Inclán de Lugo, Serie B de Narón, Val Miñor Alice Guy de Nigrán, Padre Feijoo de Ourense, Pontevedra, Lumiére de Vigo e Adega de Vilagarcía de Arousa.