A cidade asturiana de Avilés celebra estes días unhas xornadas de pulpo á feira, e con este motivo onte entregáronse os galardóns “Comensal de Honra Álvaro Cunqueiro”, un evento que tén un gran recoñecemento gastronómico en Asturias, e un de cuxos galardoados foi o Mestre pulpeiro carballiñés Paco Gómez, que rexenta demais sete negocios hostaleiros en Asturias.

Ao acto asistiu o teniente alcalde e concelleiro de Turismo do Carballiño, Manuel Dacal, quen se referiu á boa relación que existe entre Asturias e o Carballiño dende hai moito tempo, e que por eso antes da pandemia dedicóuselle unha edición da Festa do Pulpo a esta comunidade e se fixo unha presentación en Xixón.

Ao respecto, tanto no acto, ao que asistiu a teniente alcaldesa de Avilés, como na prensa, concretamente, no xornal La Nueva España, destacouse a forte ligazón comercial que houbo entre Avilés e O Carballiño no século XVIII. “José Alvarez, natural de Avilés, casa en Carballiño con Josefa Sotelo (heredera del párroco de Arcos). Su casa, herencia del cura, es la primera del actual Carballiño. José Alvarez abre una ruta comercial con Avilés que permite el intercambio comercial además de atraer gente asturiana a Carballiño y viceversa. Gracias a esta ruta que iba por Monterroso, Melide y Ribadeo se facilita la entrada de pulpeiras de Arcos en estas ferias. A Carballiño llegan y se instalan comerciantes asturianos como los Lastra, Bermúdez, Graña y Quintanas”.

O historiador carballiñés e integrante do Centro de Estudios Chamoso Lamas, Carlos Montes, ten documentado que “do Carballiño en Avilés instálanse as familias Conde e Pazo. Estamos falando do ano 1.785. Esta ruta Carballiño - Avilés durou máis de 150 anos”, asegura. “Moitos matrimonios en Arcos neses anos tiñan de testigos a comerciantes de Avilés”, afirma o investigador das orixes do Carballiño, que publicou un libro con este título e cuxas pescudas están a ampliarse nos roteiros urbanos que organiza o Centro de Estudios Chamoso Lamas.

A segunda Ruta das Tapas deste mes de febreiro na hostalaría carballiñesa volve estar dedicada ás "Tapas de Cortello", con sabores de entroido por 2,5 euros e a oportunidade de gañar bos premios entre os participantes, este venres dia 10 de 20:00 a 23:00 horas.

Na carteleira cinematográfica da fin de semana temos 3 películas. O Cine-Club Carballiño proxecta este venres en horarios ás 20:00 e 22:30 h. no auditorio a película dos cineastas belgas os irmáns Dardenne "Tori y Lokita". E no Novocine de Leiro, todos os dias proxecta cine infantil "El Asombroso Mauricio" ás 16:00 horas; e xa en pases ás 18:15 e 20:30 horas a película "Una herencia de muerte"

A Segunda Edición do Entroido Infantil e Xuvenil da Insua dos Poetas terá lugar o sábado 11 de febreiro, a partir das 16 hs, no predio cultural de A Esgueva, na parroquia carballiñesa de Madarnás. As actividades programadas inclúen un concurso infantil e xuvenil de disfraces de todo tipo, individuais ou colectivos, primando o interese polas manifestacións populares. Esstarán presentes as figuras propias da Insua, os xograres e as danzadeiras. E tamén haberá xogos tradicionais e como fin de festa está previsto compartir unha merenda típica de carnaval.

O Carballiño acolle este sábado a primeira cita da temporada da FGP en patinaxe artística, a I Fase de Niveis do 5 ao 10. O Club Aehde celebra neste 2023 o seu décimo aniversario e o primeiro acto chega o sábado dia 11 na celebración no pavillón anexo Paco Chao da I Fase de Niveis do 5 ao 10, na modalidade de libre, que organiza o club carballiñés conxuntamente da Federación Galega de Patinaxe. Na cita, que se celebra dende as dez da mañá ata as 20 horas en xornadas de mañá e tarde e que contará ca participación de 25 equipos do sur de Galicia, das provincias de Pontevedra e Ourense, e cunhas 200 patinadoras e patinadores.

O domingo 12 na Bodega de Flores ás 13:00, Roberto Sobrado e Quico Valeiras repasarán, á hora do vermú, algunhas das músicas e poesías (e varias sorpresas)que veñen sementando dende hai tempo. Un acto no que a participación directa do público será fundamental para levar a bo porto este "toma & daca" ás portas do entroido.

O director xeral de Emerxencias e Interior, Santiago Villanueva, participou hoxe xunto co presidente do Consorcio Provincial de Ourense para a prestación do Servizo contra Incendios e Salvamento, Pablo Pérez, na reunión da comisión de estudo técnico-xurídica encargada de levar a cabo os trámites para implantar un modelo de xestión directa nos catro parques de bombeiros deste consorcio, isto é, os de O Carballiño-Ribeiro, Xinzo de Limia, Verín e Valdeorras. Á reunión tamén asistiu o delegado territorial da Xunta en Ourense, Gabriel Alén.

No encontro de hoxe aprobouse a memoria económica que xustifica o paso a xestión directa, no que se refire a nivel de gasto, así como a relación de persoal que tería que ser subrogado. Esta subrogación realizarase en base á sentenza do Tribunal Supremo 89/2022 do 1 de febreiro de 2022 de unificación de doutrina. O proceso continuará agora os pasos correspondentes antes da aprobación definitiva do novo modelo nun pleno ordinario do Consorcio.

A Xunta apoia a implantación do modelo de xestión directa nos parques de bombeiros da provincia, toda vez que se conclúe que a prestación directa do servizo responde a criterios de eficiencia e eficacia e cumpre co condicionante de que a mesma non supoña un aumento de costes en dita prestación e garanta os dereitos dos traballadores existentes, así como que non implique maiores aportacións económicas para a Administración autonómica.

A Administración autonómica estableceu xa en 2016 unha vía de diálogo coas deputacións provinciais para definir o modelo de xestión dos parques dependentes dos consorcios provinciais co obxectivo de ofrecer unha prestación homoxénea dos servizos de emerxencias en toda a comunidade, de maneira que sexa igual para toda a cidadanía con independencia do seu lugar de residencia. Unha vez culminados os trámites en Ourense os consorcios de bombeiros e salvamento de todas as provincias funcionarán con xestión directa.

O Goberno galego mantén o seu compromiso na atención ás emerxencias en todo o territorio galego, neste caso para apoiar a actividade dos parques de bombeiros da comunidade, a través dos consorcios. Ademais, a Xunta colabora cos servizos de emerxencias dos concellos -Agrupacións de Voluntarios de Protección Civil e Grupos de Emerxencias Supramunicipais (GES)- tanto no seu funcionamento como na dotación de equipamento.

Nacho Campo encabezará a lista do PPdeOU en Maside nas vindeiras eleccións municipais. O presidente provincial, Manuel Baltar, reuniuse co novo cabeza de lista para perfilar os detalles da candidatura, definindo a Campo como “a persoa perfecta para liderar o futuro de Maside”.

Nacho Campo (1997) estudou o grao de Dereito na Universidade de Vigo e é na actualidade o presidente provincial de Novas Xeracións. “É unha persoa nova, formada e comprometida co proxecto do Partido Popular de Ourense”, valora Manuel Baltar. “E sobre todo Campo é unha persoa moi vencellada a Maside, o seu pobo, cun sobresaínte coñecemento do territorio e con capacidade e ilusión dabondo para tecer novos proxectos transformadores”.

Manuel Baltar resume a candidatura de Nacho Campo como “unha excelente nova para o PPdeOU e unha excelente nova para os veciños de Maside”.

Pola súa banda, Nacho Campo destaca que “o Partido Popular de Ourense demostra unha vez máis, con feitos, a súa aposta pola xuventude”. O candidato popular tamén avanza que “asumo esta responsabilidade dende a humildade, pero creo que coñecendo as necesidades demandadas polos veciños e veciñas do noso concello. Maside necesita un cambio e eu intentarei ser a persoa que o impulse xunto ao meu equipo”.

O PSdeG-PSOE de Punxín esixe unha solución “urxente” ante a falta de facultativas no centro de saúde do municipio que se está a producir nos últimos meses. As e os socialistas acusan ao goberno municipal do Partido Popular de optar pola “desidia” e de amosar “total desinterese” ante unha situación que cualifican de “moi grave”, xa que esta causando prexuízos á veciñanza.

Dende o Grupo Municipal Socialista subliñan que a situación que se está vivindo no centro de saúde do municipio “é unha auténtica tomadura de pelo”, xa que tal e como apuntan “aínda que os veciños e veciñas acudan con cita previa, non saben si serán atendidos, xa que en ocasións non hai persoal para poder dar cobertura sanitaria”.

A voceira do PSdeG-PSOE de Punxín, Lorena Peleteiro Vázquez, explica que “aínda que segundo o Sergas, o centro de saúde de Punxín conta con dúas médicas, a realidade é moi distinta” e sinala que “os e as pacientes, que chegan con cita previa ao centro de saúde, atópanse con que non hai persoal no centro”, algo que tal e como apunta “pasou no día de onte, sen ir máis lonxe”.

As concelleiras socialistas lembran que en xullo do 2022, os 3 concelleiros do Partido Popular, co alcalde á cabeza, e o concelleiro non adscrito votaron en contra dunha moción socialista na que pedían que se cubrise a praza de médica vacante nas condicións que estaba anteriormente. “O goberno municipal opta por apoiar e aplaudir os recortes sanitarios levados a cabo no centro de saúde de Punxín e amosan a súa falta total de interese por manter un servizo tan esencial para a veciñanza como é o sanitario”.

Ante esta situación, a voceira socialista, Lorena Peleteiro, amosa a súa “fonda preocupación ante os recortes, o desmantelamento e a precarización da sanidade en Punxín” e manifesta que “non descartamos tomar algunha medida de mobilización coa veciñanza para loitar por un servizo que consideramos indispensable para o noso municipio”.

Para o PSdeG-PSOE este é un “novo episodio” do capítulo de “desleixo” e “abandono” co que o Partido Popular de Galicia e Alfonso Rueda tratan á provincia de Ourense, co “beneplácito e complicidade” do goberno municipal de Punxín. Os e as socialistas esixen “solucións inmediatas” a esta problemática, xa que segundo apuntan “están rematando coa sanidade do rural e obrigando á veciñanza a marchar a outros municipios para poder ter uns servizos dignos”. Neste senso, tamén destacan que “de pouco vale traer un autobús polos municipios prestando servizos sanitarios se a veciñanza non dispón dunha atención sanitaria digna no seu día a día”.

A Consellería de Infraestruturas e Mobilidade vén de comezar as obras para a execución dunha parada de autobús intermodal na estación de ferrocarril do Carballiño, cun investimento de preto de 170.000 euros.

O obxectivo é executar unha parada exclusiva para as liñas interurbanas de autobús de uso regular na parcela situada na explanada frontal da estación de ferrocarril, localizada na avenida O Vinte e Cinco de Xullo, co fin de favorecer a intemodalidade entre os dous medios de transporte.

As obras, cun prazo de execución de 5 meses, consisten na instalación dunha parada de autobuses, configurada como illa, entre a citada avenida, a dársena de aparcamento da estación ferroviaria e os accesos á mesma.

Na intervención inclúese a incorporación dunha zona axardinada, mobiliario urbano e unha marquesiña a ambos os lados, xerando así dúas zonas de parada: a primeira en dirección de acceso á vila sobre a propia avenida; e a segunda, na marxe oposta do núcleo da parada para os autobuses que saen do municipio.

Ademais, o refuxio protexerá os usuarios do transporte público das inclemencias meteorolóxicas.

Esta actuación reforzará a comunicación entre a estación ferroviaria e o transporte interurbano por autobús no concello do Carballiño.

A intervención enmárcase nun convenio de colaboración polo que a Xunta achegará o financiamento e executará as obras, mentres o Concello do Carballiño pon á disposición os terreos necesarios e asume o mantemento da infraestrutura ao seu remate.

A actuación é financiada no marco do Eixe REACT-UE do programa operativo FEDER Galicia 2014-2020 como parte da resposta da Unión Europea á pandemia de covid-19.

A Xunta concedeulle 42.000 euros ao Concello de Boborás para mellorar o seu Punto de Atención á Infancia e ampliar o seu parque infantil. A conselleira de Política Social e Xuventude, Fabiola García, acompañada do delegado territorial da Xunta en Ourense, Gabriel Alén, visitou hoxe as instalacións nas que se realizaron as obras de mellora.

A conselleira resaltou que esta actuación permitiu renovar as ventás e os accesos ao centro e tamén facer máis amplo o parque infantil anexo ás instalacións, que comparte co colexio de Boborás. O Punto de Atención á Infancia ten capacidade para 20 nenos e supón un importante recurso de conciliación para as familias desta localidade, que poden ir a traballar coa tranquilidade de que os seus pequenos de 0 a 3 anos estarán ben atendidos. Ademais, desde este curso os pais non tiveron que pagar nada pola atención educativa neste centro