O presidente da Xunta, Alfonso Rueda, subliñou que a homenaxe a Álvaro Cunqueiro na Insua dos Poetas, na carballiñesa parroquia de Madarnás, reforza este espazo como referente da lingua e a cultura galegas. O titular do Goberno galego asistiu ao acto de celebración do 111 aniversario do nacemento do autor mindoniense, onde inaugurou a peza escultórica realizada pola artísta carballiñesa Tatiana R. Fírvida que sitúa a Cunqueiro no universo dos clásicos creado pola Fundación Insua dos Poetas.

Alfonso Rueda quixo aproveitar ese aniversario para enxalzar a figura dun dos autores máis importantes da literatura galega e española do século XX con obras maxistrais tanto na poesía como na narrativa e que foi tamén un relevante xornalista cultural. De feito, resaltou que malia ser un escritor do século pasado, forma xa parte do elenco de clásicos da literatura galega, de aí o seu dereito a ocupar desde hoxe un espazo na Insua dos Poetas. “Temos que reivindicar moito máis a quen foi un autor universal recoñecido polos mellores”, declarou.

O presidente da Xunta gabou tamén o traballo da fundación presidida por Luís González Tosar, a quen agradeceu este particular Olimpo das letras galegas da man das figuras que contribuíron coa súa obra a engrandecer Galicia e a facer da súa lingua unha ferramenta de comunicación universal.

Este plan foi aprobado dentro da II Convocatoria Extraordinaria do programa Plans de Sustentabilidade Turística de Destino 2022, financiados na sua totalidade con fondos Next Generation procedentes da Unión Europea e integrados no Plan de Recuperación, Transformación e Resilencia deseñado dende o Goberno de España.

Durante o proceso de tramitación foi incluído dentro Plan Territorial de Sostenibilidade Turística de Enogastronomía de Galicia onde se aprobaron de forma conxunta outros dez plan similares centrados en desenvolver o potencial turístico da gastronomia galega.

O obxectivo principal desta iniciativa é a promoción de O Carballiño como destino enogastronómico de primeiro nivel, poñendo en marcha actuacións transformadoras en diferentes áreas no horizonte 2023-2025. Os eixes de intervención están repartidos entre Transición verde e sostible; Mellora da eficiencia enerxética, Transición dixital e Competitividade. Os proxectos máis destacados buscan intervir e mellorar os espazos do Parque Municipal, o Parque Etnográfico e ampliar o paseo fluvial ata o Bañiño de Arcos. A renovación da iluminación do Templo da Veracruz tamén está incluida no plan así como instalación de sinalización turística intelixente, realidade aumentada e un plan de comunicación dixital turística.

Unha parte da accións buscarán reforzar a oferta de enograstromía e sobre todo visibilizar a labor de pulpeiros e pulpeiras e potenciar a festa do pulpo. A internacionalización da festa do pulpo e a vinculación do Carballiño co principal símbolo gastrómico de Galicia foi determinante para a consecución deste fondos.
O próximo paso do plan será a mediados de Xaneiro do 2023 durante a participación na Feira Internacional de Turismo FITUR onde a Alcalde, Francisco Fumega, e o Concelleiro de turísmo, Manolo Dacal, se reunirán cos responsables do Ministerio para inciar a operativa deste plan tan importante para O Carballiño.

Josefa Pérez e Manolo Amil, en representación da xunta directiva da Asociación de Pais de Discapacitados Psíquicos das Comarcas do Carballiño-Ribeiro, deron conta da evolución do proxecto que agardan culminar en 2023, cando está prevista a apertura da residencia para usuarios e familiares.

Aspadisi eleva, finalmente, ata 1,4 millóns de euros a inversión necesaria para facer realidade este espazo residencial, que se contrúe como unha ampliación do edificio  Centro Ocupacional, no solar que cedera no seu dia o concello do Carballiño nas inmediacións do paseo do río Arenteiro.

Amil explicou que o incremento dos costes dos materiais de construcción obrigou a actualizar o orzamento previsto e agarda que coa aportación -aínda por concretar por parte da Xunta- como dos veciños e veciñas das comarcas do Carballiño-Ribeiro poidan cubrir os gastos, incluidos os relativos ao equipamento. Neste contexto, Manolo Amil fixo un novo chamento púbico para esta causa, recordando que están abertas cinco contas noutras tantas entidades do Carballiño para recoller estas doazóns, que ata os 150 euros poderán beneficiarse para obter unha desgravación fiscal do 80% no IRPF.

Asi a avanzou en COPE O Carballiño o alcalde Francisco Fumega, á espera de que se peche oficialmente o dato unha vez que o INE corrixa posibles erros, o padrón municipal de habitantes do concello do Carballiño volverá a superar a barreira dos 14.000 habitantes, nos que con lixeiras oscilacións ven movendose nos últimos anos.

O padrón de 2021 aínda en vigor reflicte unha poboación  de 13.911, o dato máis baixo dos últimos catro anos no concello carballiñés. Non obstante, o padrón que se publicará con data do próximo 1 de xaneiro, e que fixará a poboación oficial para todo o ano que ven vai recoller un importante incremento, xa que según os datos do padrón continuo deste mes de decembro, e que confirmou o alcalde na súa intervención radiofónica, a cifra actúal sitúase nos 14.360 habitantes. 

Fumega destacou a importancia deste dato, xa que a máis habitantes, máis recursos da Adminstración Xeral do Estado terá o concello, para o alcalde e preciso seguir animando aos non empadronados e residentes no municipio para que o fagan. Para o rexedor, o reto para O Carballiño sería alcanzar os 15.000 habitantes.

O PSdeG-PSOE aplaude as “históricas axudas” concedidas polo Goberno central para impulsar o sector turístico e o sector comercial de Ourense, tras unha “aposta transcendental” do executivo de Pedro Sánchez polo interior galego, que permitirá sumar investimentos por valor de 6,5 millóns de euros.

A ministra de Industria, Comercio e Turismo, Reyes Maroto, anunciou hoxe estas axudas durante unha conferencia-coloquio no Foro La Región, na que puxo o foco, entre outros asuntos, na importancia do turismo de interior. Concretamente, Maroto referiuse a tres plans de sustentabilidade turística que desenvolverán a asociación Carballiño-Ribeiro; a asociación Grupo de Desenvolvemento Rural Valdeorras e o Concello do Carballiño, así como ao plan Ourense Termal, ao que o ministerio achegou 1,3 millóns.

A ministra do Goberno de España tamén anunciou que o Plan de Recuperación á Competitividade do Sector Comercial achegará case 2,5 millóns públicos para potenciar ás pemes e aos autónomos, dando un sólido pulo a súa transformación dixital, competitividade e sustentabilidade. Concretamente, o Concello de Ourense contará con 2 millóns de euros para potenciar os servizos dixitais do tecido comercial da cidade e para mellorar a mobilidade sostible de zonas comerciais. Pola súa banda, a Deputación Provincial obterá unha axuda de 474.000 euros para o proxecto ‘CROu Next Generation UE: Dixital, Verde e Social’, que subvencionará o comercio rural das comarcas Allariz-Maceda, A Limia, Baixa Limia e O Carballiño.

Os e as socialistas ourensáns destacan o “esencial e inaudito esforzo que o executivo presidido por Pedro Sánchez está a facer para protexer algún dos piares básicos da nosa economía”, como son o tecido comercial local, o sector turístico ou a industria de Ourense e do resto do Estado, loitando polos “postos de traballo e polas economías pequenas e medianas”, así como “axudando aos empresarios e empresarias do noso comercio e do turismo ourensán a afrontar os novos retos que traen consigo a dixitalización, a transición ecolóxica ou a apertura cara novos mercados”. Desde o PSdeG-PSOE de Ourense aplauden estas “políticas sociais e económicas” que permitirán “protexer e defender negocios, empresas e iniciativas da nosa veciñanza” e por iso anuncian que seguirán “reclamando máis e maiores iniciativas públicas como estas” para convertelas nun “referente”.

A operaradora ferroviaria restableceu desde este domingo 11 de decembro os servizos de tren diarios que quedaran suprimidos durante a pandemia e aínda non repuxera ata agora. O certo é que esta reposición de servizos chega con moito retraso porque os mesmos figuraban na relación de trens declarados Obligación de Servizo Público (OSP) no contrato entre a Administración Xeral do Estado e a mercantil estatal Renfe.

A aplicación da medida, que Renfe agora decide cumplir, supón que as estacións de O Carballiño e Ourense pasen a contar con tres frecuencias diarias, os 7 dias da semana, manténdose o tren tamén diario con destino a Santiago de Compostela, que era o único que se mantiña operativo.

Desta maneira, cos bonos de media distancia, os viaxeiros carballiñeses terán a opción de realizar os desplazamentos en tren de ida e volta de forma gratuíta no que queda deste ano 2022, e se o goberno cumpre o prometido e manteñense as condicións para o ano que ven, tamén poderían facélo durante 2023, algo do que os posibles usuarios da estación de Renfe do Carballiño non poideron benefiarse desta gratuidade no transporte público de ferrocarril.

O primeiro tren que sae á mañá do Carballiño con destino a Ourense é as 7:48 horas e chega á estación de Ourense ás 8:13 horas. Pola tarde, temos outros dous trens con saida dende O Carballiño con destino Ourense, ás 15:00 horas e as 19:56 horas. 

No sentido inverso, o primeiro tren diario sae dende a estación de Ourense ás 14:30 horas, mentres que os outros dous teñen a súa saida con destino O Carballiño ás 16:40 horas e as 21:10 horas. 

A oferta de servizos da estación de ferrocarril do Carballiño complétase a diario co tren con destino a Santiago de Compostela, con saída ás 17:06 horas.

A Deputación de Ourense ten previsto iniciar despois do Nadal a segunda fase das obras de remodelación do Balneario de Berán, que logo dun investimento de 400.000 euros permitirá incorporar a partir da próxima primavera un balneario máis, o noveno, á oferta ourensá. "Unha infraestrutura que consolidará a nosa imaxe como o territorio con maior potencial termal de Europa, resaltou o presidente da Deputación, Manuel Baltar, durante unha visita ás instalacións. Un percorrido no que estivo acompañado polo alcalde de Leiro, Francisco José Fernández; o presidente da entidade local menor de Berán, Avelino Carballal; e a vogal da entidade, Purificación Vázquez.

Grazas a fondos propios da Deputación de Ourense e do Plan de Sustentabilidade Turística en "Ourense termal" -liderado polo goberno provincial co apoio da Secretaría de Estado de Turismo e a Axencia de Turismo de Galicia- estase conseguindo "adecuar este espazo ás necesidades do termalismo actual, cunhas instalacións superiores e nun enclave perfecto, a escasos minutos da capital da provincia e a pouco máis de dúas horas da capital do Estado". Esta noveno balneario conta ademais cunhas "augas mineromedicinais de excelente calidade", resalta Manuel Baltar, apropiadas para doenzas hepáticas, respiratorias e da pel, "e polo tanto un recurso do que poden presumir en moi poucos lugares".

"Grazas ao apoio incondicional da Deputación; o Concello de Leiro e a entidade local menor de Berán imos formar parte tamén dese tesouro único, o termalismo, que ten esta comarca e toda a provincia", declara pola súa banda o alcalde de Leiro. Francisco José Fernández pon en valor "o impulso definitivo" a un proxecto que remata con máis de 15 anos de peche das instalacións, destacando entre os traballos executados "a remodelación das piscinas e instalacións termais, realizadas nunha primeira fase, centrándose agora as obras na instalación de novos equipamentos e a reparacións de diversos elementos".

O presidente da entidade local tamén se suma á satisfacción do rexedor pola cada vez máis próxima apertura do balneario de Berán. Avelino Carballal afirma que "estamos máis preto que nunca do noso ansiado obxectivo", anunciando que para axilizar o proceso de posta en marcha das instalacións xa se traballa no prego das bases para adxudicar a explotación do recinto termal.

Termalismo social e oferta en liña de servizos termais

Unha vez en marcha, o balneario de Berán tamén formará parte dos programas de promoción termal que impulsa a Deputación, como o plan de Termalismo Social que vén de cumprir 10 anos de funcionamento e dos que se beneficiaron preto de 20.000 persoas, así como tamén do programa "Ourense, a provincia termal dixital", que facilitará aos usuarios a contratación en liña, desde calquera lugar, dispositivo e a través de plataformas de pago actuais, dos servizos termais que ofrezan os balnearios situados por toda a provincia.

Precisamente as instalacións de Berán acolleron a finais de novembro a sinatura do convenio para a execución deste programa, no que participan nunha primeira fase os balnearios de Laias, Lobios, Arnoia, Cortegada e Partovia, todos eles dotados actualmente con piscinas mineromedicinais termais. O plan sinala que nunha segunda fase incorporaranse o resto de espazos termais activos, coa previsión de que no primeiro trimestre de 2023 todos os balnearios ourensáns actualmente en funcionamento dispoñan xa dalgunha oferta dixital.

Obxectivo: a transformación competitiva dos 15 municipios rurais termais de Ourense

O Plan de Sustentabilidade Turística en "Ourense Termal" é froito dun convenio de colaboración entre a Deputación de Ourense, a Axencia de Turismo de Galicia e a Secretaría de Estado de Turismo, a través do cal investiranse máis de 3 millóns entre os anos 2022 e 2024. Un programa deseñado para avanzar na transformación competitiva dos 15 municipios rurais termais de Ourense.

O Cine-Club Carballiño proxecta no audotorio o venres 9 o último éxito do cine arxentino "Argentina 1985", en pases ás 20:00 e 22:30 horas.

E ata 3 películas temos en carteleira no Novocine de Leiro: "Mundo Extraño", "A Todo Tren-2" e "As Bestas", en horarios -respectivamente- ás 16:00, 18:15 e 20:30 horas.

A Coral Polifónica do Casino do Carballiño e a Banda de Müsica de Vilatuxe ofrécennos un concerto conxunto inspirado en "Carmina Burana", o sábado 10 ás 20:00 horas no auditorio, e con entrada de balde.

E temos desta vez dous espectáculo de teatro infantil, ambos ás 18:00 horas do domingo 11. No centro sociocultural de Boborás "Ai falaches, Castela@" cos actores galegos Osvaldo Digón e Xavi Veiras e con música en directo de Cristian Leggiero. No auditorio do Carballiño, Sala Ártika traenos unha proposta de teatro infantil con "A Illa da Deslembranza".

E xa finalmente, na matinal do domingo, 550 atlétas participarán na Carreira Solidaria do Arenteiro, que organiza o concello do Carballiño.

Máis información de todas estas actividades, coas voces dos seus protagonistas, na programaicón local desta emisora de radio, no "Mediodia de Cope O Carballiño".