A Festa do Pulpo de Carballiño estrea nesta edición número 60 a declaración de interese turístico internacional. Para lograr este recoñecemento foi esencial o esforzo das pulpeiras, ás que se lle renderá este lúns dia 8, ás 12.00 horas na Casa Consistorial, unha emotiva homenaxe. Prevese que unha nutrida representación destas profesionais recollan un obsequio, ao mesmo tempo que Felipe Senén, pola súa contribución a manter viva tradición de todo un pobo. Cómpre destacar durante varios anos e ao igual que o seu pai, Senén foi o autor do cartel da festa e neste 2022 tomou o relevo outro membro da súa familia, Ari Quintas. Ademais, no seu currículo destaca o seu traballo como arqueólogo, museólogo, presidente da Asociación de Amigos dos Museos de Galícia e actual secretario da Academia Galega de Bellas Artes.

A homenaxe será o primeiro acto da semana grande da Festa do Pulpo, se ben a programación xa comezou o día 1 de agosto coa Semana Grande para Pequenos e incluíu propostas como o Festival de Habaneras ou o que leva por nome ·”Feito no Carballiño” e que promociona a aqueles grupos que contan co talento dun carballinés ou carballinesa.

O martes será o momento de intentar bater un novo récord coa preparación da tapa mais grande do mundo: serán 515 quilos de pulpo, 15 máis que o ano pasado, os que se cocerán e na súa preparación participarán unha trintena de profesionais. A pastelería Royal colaborará cos doces do postre e a vila recibirá a miles de persoas atraídas por uns festexos que alongan a súa duración e ofrecerán un programa elaborado cun mimo especial coincidindo coa declaración de interese turístico internacional.

O Concurso de Camisetas do sábado volverá a ser outro dos pratos fortes da programación. Polo de agora, xa son unha vintena as peñas inscritas para participar, se ben o prazo para entregar a documentación remata o mércores. Nas bases establécense as normas que rexerán o certame e poden consultarse nas redes sociais do Concello do Carballiño. Os interesados poden presentar un deseño creado en base a debuxos, imaxes, palabras, frases, números ou calquera ouro elemento gráfico, e poderá ser impreso sobre unha camiseta de calquera cor, na súa parte dianteira ou traseira, ou en ambas.

Cómpre destacar que a participación está aberta a todos os colectivos que o desexen, sen límite de idade sempre que o responsable da agrupación teña máis de 18 anos. En canto aos premios, establécese un único ao mellor deseño e dotado con 200 euros para a camiseta que reciba máis votos. O resto das que cumpran os requisitos das bases recibirán unha compensación por importe de 60 euros cada unha. As camisetas de cada peña serán expostas na Praza Maior o día 13 de agosto, a partir das 17.00 horas. Este ano substituirase o desfile pola actuación do locutor de Rock FM “El Pirata”.

Este é o programa detallado para os próximos días:

8 de agosto.
Homenaxe ás pulpeiras e a Felipe Senén. Casa Consistorial. 12 horas.
Música de Rúa. El hechizo de Nora. Paraza Maior. 20.30 horas

9 de agosto.
A Tapa de Pulpo máis grande do mundo. Praza Maior. 19.00 horas
Música de Rúa. Soul&Roll. Praza Maior. 21.00 horas.

10 de agosto.
Festival de Folclore Internacional. Praza Maior. 22.30 horas

11 de agosto.
Concerto de Roi Casal. Praza Maior. 23.00 horas

12 de agosto.
Orquesta Combo Dominicano. Praza da Veracruz. 23.30 horas.

13 de agosto.
Festa das Camisetas. Actuación de El Pirata, locutor de Rock FM. Praza Maior. 19.00 horas. O prazo para inscribirse no concurso está aberto.

14 de agosto.
Festa do Pulpo. Xantar e música. Parque municipal.

En total, tres persoas resultaron feridas e dúas delas tiveron que ser excarceradas polos Bombeiros do Carballiño neste accidente no termo municipal do concello de Avión, os servizos sanitarios trasladaron aos tres feridos ao centro hospitalario.

Sucedeu nesta mañá de domingo, ao fío das sete e media. Unha persoa particular contactaba co 112 Galicia, a esa hora, para informar dunha saída de vía con persoas feridas na OU-212, no punto quilométrico 2, no termo municipal de Avión.

Con estes datos, os xestores do 112 Galicia pasaron aviso ao Servizo de Urxencias Sanitarias de Galicia-061 e aos Bombeiros, que decontado se desprazaron ao punto. Ademais, informaron á Garda Civil de Tráfico, á Policía Local e aos membros do Grupo de Emerxencias Supramunicipal de Avión..

Doutra parte, nesta pasada noite do domingo unha muller e única ocupante do vehículo que conducía foi liberada polos Bombeiros do Carballiño, tras quedar atrapada no seu interior despois de saírse da vía cando circulaba pola OU-0527, punto quilométrico 6, en Vilamarín.

A condutora, durante a chamada que realizou ao 112 para pedir axuda, aseguraba que estaba ben, que se saíra da vía pero que non podía saír do coche, estaba atrapada. Por iso, nada máis ter constancia do accidente, o 112 Galicia informou ao Servizo de Urxencias Sanitarias de Galicia-061, aos Bombeiros e á Garda Civil de Tráfico.

Unha vez no lugar e tras rematar a súa intervención, os Bombeiros confirmaron a excarceración da muller ferida, que foi trasladada polos servizos sanitarios ao Hospital Clínico Universitario de Ourense.

Que a mocidade se involucre na Festa do Pulpo e se contaxie do espírito dunha celebración que estrea a declaración de interese turístico internacional. Nesta edición número de 60 o Concurso de Camisetas volverá a ser un dos pratos fortes da programación. Será o sábado día 13 de agosto e, polo de agora, xa son preto dunha vintena as peñas inscritas para participar, se ben o prazo para entregar a documentación remata o mércores. Nas bases establécense as normas que rexerán o certame e poden consultarse nas redes sociais do Concello do Carballiño.

Os interesados poden presentar un deseño creado en base a debuxos, imaxes, palabras, frases, números ou calquera ouro elemento gráfico, e poderá ser impreso sobre unha camiseta de calquera cor, na súa parte dianteira ou traseira, ou en ambas.

Cómpre destacar que a participación está aberta a todos os colectivos que o desexen, sen límite de idade sempre que o responsable da agrupación teña máis de 18 anos. En canto aos premios, establécese un único ao mellor deseño e dotado con 200 euros para a camiseta que reciba máis votos. O resto das que cumpran os requisitos das bases recibirán unha compensación por importe de 60 euros cada unha. As camisetas de cada peña serán expostas na Praza Maior o día 13 de agosto, a partir das 17.00 horas. Agárdase superar o récord de participación do 2019, tendo en conta que non se puido celebrar nos últimos dous anos por mor da pandemia.

En lugar do desfile das peñas, o Concurso das Camisetas contará este ano cunha actuación estelar. Pablo Ordúñez, máis coñecido como El Pirata, protagonizará un espectáculo na Praza Maior, a partir das 20.00 horas. O locutor da emisora Rock FM ofrecerá grandes doses de música e humor. Dende o Concello do Carballiño anímase a todos os participantes no certame a sumarse á súa actuación.

Un día despois, o 14 de agosto, celebrarase o día grande da Festa do Pulpo e esta mañá puxéronse a venda as entradas para a comida no recinto oficial. Pasarase de 1.200 prazas a 800 por cautela e redúcese o prezo real do menú, que aínda que tería un coste de 47 euros pola inflación, redúcese a 30 euros.

Tamén nesta edición, que será a número 60, intentarase bater un novo récord coa preparación da tapa mais grande do mundo: serán 515 quilos de pulpo, 15 máis que o ano pasado, os que se cocerán e na súa preparación participarán unha trintena de profesionais.

Correos e o Concello do Carballiño asinaron un acordo polo que se promociona a Festa do Polbo en oficinas de Correos de 8 provincias españolas.

Os cidadáns poderán coñecer esta festa declarada de Interese Internacional a través de pantallas colocadas en oficinas de Alacante, Barcelona, Madrid, Segovia, Sevilla, Valencia, Zamora e Zaragoza.

A Festa do Polbo celebra en 2022 a súa edición número 60, dedicada ao ano Xacobeo e que se celebrará, como é tradición, o segundo domingo de agosto. O parque municipal do Carballiño acollerá a gran romaría na que miles de persoas degustarán este emblemático produto gastronómico, salienta Correos no seu comunicado informativo.

Con este novo servizo de pantallas nas oficinas de Correos, o Concello do Carballiño atopa unha nova canle de promoción para a Festa do Polbo repartido pola xeografía española. As pantallas colocadas en Correos contan cunha gran visibilidade entre os cidadáns: en 2021 as oficinas españolas rexistraron máis de 89 millóns de visitas.

O delegado territorial da Xunta en Ourense, Gabriel Alén, desprazouse esta maña ao concello do Carballiño para participar, xunto coa comisaria do Xacobeo 21-22, Cecilia Pereira, na presentación do 1º Concerto Xacobeo en Cámara, onde tamén estiveron presentes a directora de institución de CaixaBank, María Jesús García Piñeiro, o director da Orquestra de Cámara Galega, Rogelio Groba, e o párroco do Carballiño, Jorge Juan Pérez.

O delegado territorial explicou que o Xacobeo en cámara é unha proposta que xungue modernidade e tradición por medio da realización de concertos en lugares que, de seu, manifestan un enorme interese como destino turístico diferente, único e especial, non só durante o Xacobeo. Deste xeito, o delegado agradeceu a implicación da Fundación La Caixa no patrocinio desta serie de concertos da Orquestra de Cámara Galega, que forman parte da programación do Xacobeo 2021-2022; o eixo principal da cultura ao longo do ano que mantén unha oferta espallada por toda Galicia, sumando esforzos cun obxectivo común.

Gabriel Alén informou que o vindeiro 5 de agosto, no Templo da Veracruz do Carballiño ás 21:00 horas, desenvolverase o concerto da Orquestra de Cámara Galega que será de balde e terá unha duración duns 80 minutos. O repertorio contará con obras coñecidas de autores como Holst, Britten, Grieg entre outros e sempre haberá un espazo para escoitar obras de compositores españois como Albéniz, Malats ou Groba.

“O Camiño é desde os seus inicios unha vía importante de desenvolvemento cultural e foi un dos piares fundamentais da construción cultural europea” – manifestou Gabriel Alén- engadindo que “ todo ese camiño deixou un sinal patrimonial importantísima que se reflicte nas innumerables igrexas, mosteiros, pazos e castelos onde foron focos vehiculares das facetas artísticas que marcaron unha historia de viaxes e coñecemento”.

“Así, a literatura, a pintura e a música foron, son e serán piares fundamentais da construción cultural europea”; subliñou o delegado territorial, que significou a unión da tradición e o patrimonio histórico e artístico dunha coidada selección de espazos declarados como Bens de Interese Cultural unida á creación autóctona do noso país que marca claramente nosa fantástica singularidade onde a historia e a modernidade danse a man para maior goce dun espazo artístico único; e nese contexto, “a aportación da Orquestra

A Xunta de Galicia construirá un novo centro de saúde na parcela da antiga estación de autobuses do Carballiño que duplicará a superficie da actual infraestrutura sanitaria. Así o acordaron hoxe os conselleiros Sanidade e de Infraestruturas e Mobilidade e de Sanidade, Julio García Comesaña e Ethel Vázquez, respectivamente, co alcalde do Carballiño, Francisco José Fumega. Os representantes públicos asinaron un protocolo de colaboración que dá luz verde á execución desta importante e necesaria infraestrutura sanitaria para o municipio.

No protocolo asinado hoxe, o Concello do Carballiño comprométese a realizar os trámites oportunos para a transmisión, en pleno dominio e libre de cargas e gravames, da parcela da antiga estación de autobuses emprazada no número 66 da Avenida do Balneario para a construción do centro de saúde coa cualificación urbanística axeitada ao Plan Funcional e de Espazos, así como ao cambio de uso do equipamento como sanitario.

O novo Centro de Saúde duplicará a superficie do actual, pois terá 4.500 m² fronte aos 1.800 do antigo local. “Vai ser un inmoble moderno, que permitirá contar con máis consultas de medicina e enfermaría, froito das prazas que se crearon neste centro a través do Plan Galego de Atención Primaria”, explicou o conselleiro de Sanidade, Julio García Comesaña, que engadiu que o espazo contará tamén con importantes melloras para a asistencia a pacientes e profesionais, pois incorporará as áreas bucodental e de saúde mental, así como salas de críticos e de observación no PAC.

O titular de Sanidade destacou que esta infraestrutura sanitaria suporá unha mellora substancial para un centro no que reciben asistencia máis de 20.000 pacientes e no que acoden a traballar máis de 30 profesionais.

As tres administracións públicas coincidiron ademáis na necesidade de que o novo centro de saúde dea resposta á demanda de aparcadoiro que se vai necesitar, polo que a Xunta buscará unha solución arquitectónica que cubra dita demanda e destinará unha parte do espazo libre de 1.000 metros cadrados para aparcadoiro en superficie. O Concello comprometese ao mantemento desta área cun regulamento de uso compartido.

O Concello adaptará o seu plan urbanístico á edificabilidade que demanda o Plan de Espazos de 4.500 m² e propiciará un ordenamento que permita conseguir o mellor aproveitamento do centro de saúde e do espazo libre para aparcadoiro en superficie.

Unha vez posta a disposición a parcela necesaria, a Xunta levará a cabo os trámites e iniciará as obras de construcción deste novo centro de saúde no Concello de O Carballiño.

A Consellería de Infraestruturas e Mobilidade estará involucrada en todo o proceso, “pois será a encargada de contratar e executar a obra deste novo centro de saúde” segundo sinalou hoxe o conselleiro de Sanidade. O departamento que dirixe Ethel Vázque se encargará de xestionar “o futuro dos autobuses do Carballiño noutra parcela, como do futuro desta parcela despois de que salgan dela os autobuses”.

A conselleira de Infraestruturas e Mobilidade, Ethel Vázquez, puxo en valor esta colaboración para executar o novo Centro de Saúde do Carballiño na parcela que ocupa a estación de autobuses.

Salientou a dobre satisfacción da Consellería de Infraestruturas pola execución do equipamento sanitario e tamén por habilitar unha parada de autobús intermodal na estación de tren, cun financiamento autonómico que ascende a 190.000 €.

Ethel Vázquez explicou que se acometerá unha parada con marquesiña disposta a ambos os dous lados, xerando así dúas zonas de parada: a primeira, en dirección de acceso á vila, sobre a propia avenida; e a outra na marxe oposta, para os autobuses que saen do municipio.

Sinalou que se está co proceso de contratación destas obras, polo que se prevé comezalas o vindeiro ano co fin de poñer á disposición dos veciños o próximo verán esa parada intermodal que axilice o intercambio do autobús e do tren.

A Xunta tamén traballa co Concello para dispor unha parada na actual estación, para atender as demandas dos veciños e favorecer a súa mobilidade.

O Goberno galego continúa a aposta polo transporte público, con iniciativas como a tarxeta Xente Nova, que no Carballiño permite que 240 mozos viaxen gratis por toda Galicia, podendo ir de balde a Ourense a estudar, significando un aforro de máis de 750 euros no curso.

A titular de Infraestruturas e Mobilidade instou ao Goberno central a apostar tamén polo transporte de competencia estatal, bonificando o 100% os bonos multiviaxe dos trens de media distancia entre Ourense e Santiago; recupendo a totalidade dos servizos de tren previos á pandemia; ou facendo unha reflexión sobre o seu mapa concesional de transporte en autobús, que suprime servizos e paradas en 23 concellos, entre eles, Ribadavia.