O gran potencial turístico do Xeodestino Turístico O Carballiño-Ribeiro, que outro ano máis ven de presentarse en FITUR, asi como as últimas polémicas políticas no concello do Carballiño, acaparan desta vez unha nova entrega da Tertulia de COPE O Carballiño, que cada semana presenta Xan Pinal.
Escóitaa aquí:
O delegado territorial da Xunta en Ourense, Manuel Pardo, destacou “o potencial sen límite” do termalismo na comarca O Ribeiro – Carballiño, “onde afloran centos de mananciais de augas termais que están callando nas súas beiras os máis modernos balnearios de Europa que desenvolven as terapias máis innovadoras; concepto termal que cristalizou na feira de Termatalia”.
Así o fixo, na presentación deste xeodestino na Feira Internacional de Turismo, en Madrid, na que tamén louvou as súas singularidades enogastronómicas, as súas paisaxes indescritibles e o poder do seu patrimonio e da súa historia.
O delegado territorial puxo en valor a filosofía do Goberno de Galicia na insistencia dos xeodestinos, por compartir as potencialidades e recursos de municipios e comarcas para valorizar destinos e puntos de confluencia, e así, ser máis eficientes na organización turística, nas técnicas de chamada e os reclamos publicitarios.
Manuel Pardo lembrou que o polbo, o pan, o viño e os recursos termais dentro dun clima, unha orografía, e a biodiversidade do medio, conforman unha paisaxe singular na que conflúen os vales do Avia e do Miño. Na pel das súas augas é un privilexio practicar deportes como a vela, o remo e o piragüismo.
Novo Plan Termal
O representante do Goberno galego resaltou que a Xunta de Galicia presentou recentemente un novo Plan Termal, que se impulsará neste ano, co obxectivo de impulsar de forma definitiva este sector, e de potenciar a imaxe de Galicia como destino termal.
Galicia é a primeira potencia termal de España, en gran parte grazas a Ourense que é a segunda cidade europea con máis fontes termais, por iso a Xunta creou a Área de Turismo Termal, con sede en Ourense que ten como principal obxectivo a proxección exterior de Galicia como un referente no termalismo.
Salientou o delegado territorial que o turismo termal en Galicia é un dos produtos turísticos con maior grao de especialización e singularidade. “Con maior capacidade de desestacionalización da demanda e con poder para a captación de máis segmentos de público, cun gran atractivo para a articulación de oferta turística combinada con outros produtos ou servizos relacionados co patrimonio cultural, natural, enogastronómico e deportivo”; manifestou
Agora, co novo Plan preténdese afondar na consolidación do sector en Galicia. Entre outras medidas, esta folla de ruta incluirá unha liña de axudas de 8 millóns de euros para, segundo explicou Manuel Pardo, “crear novos establecementos ou para mellorar os actuais”; “un manual de boas prácticas” para establecer estándares de calidade claros; un observatorio que exercerá de ferramenta de investigación turística; unha aposta pola formación continua especializada; e, ademais, novos produtos turísticos e distintas accións de marketing.
Un Plan que, segundo o representante do Goberno galego, se enmarca na aposta da Xunta por un sector con moito potencial e gran “capacidade para seguir medrando”.
Por todo iso, -concluíu Manuel Pardo- “desde a responsabilidade e o compromiso de representar aquí en Madrid, na feira de turismo máis importante do mundo, á Xunta de Galicia; desexo apuntar as deidades, dunha terra sen complexos, nin vestimentas artificiais que sabe que pode ofrecer un destino singular e diferencial a quenes desexen visitarnos”.
Silencio. Eso é o que están a recibir as traballadoras do servizo de axuda no fogar por partedo grupo de goberno. É unha vergoña non so que non arranxen o problema se non que non den a cara, que non den unha explicación, que enfronten a realidade sen mentiras nin compromisos valeiros.
Dende o comité de empresa expresan a súa indignación e a súa decepción, engadida á impotencia de saber que esta situación estase a prolongar máis alá do que poden resistir. As traballadoras, non so están desprotexidas senón tamén abandonadas. Esos, que sabían, dende hai máis dun ano, que esto pasaría non se dan por aludidos. Non senten nin a máis mínima empatía.
Non teñen nin a delicadeza de contestar cando se lles solicita por escrito que se tomen medidas, que se lle rescinda o contrato a Gesmedical Dis SL por o incumprimiento do mesmo, e non so no pago dos salarios. O mínimo que se pode esperar é unha resposta. As traballadoras, que coidan dos nosos maiores, do seus maiores so reciben silencio. Hai que comprender que non so as traballadoras do servizo estanse a ver perxudicadas, os usuarios dependentes e mais as súas familias tamen.
Ademais dos usuarios que están nas listas de espera e aos que non se lles está a prestar servizo porque tampoco o concello da altas novas. Veciños que necesitan o servizo e que quizá nunca cheguen a telo.
Preguntámonos ¿será que o concello esta a favorecer a Gesmedical evitando dar novas altas, que a empresa, na situación na que se atopa, sería incapaz de asumir? ¿Qué interés podería ter o Alcalde en retrasar a solución a este problema? ¿Por qué servizos sociais o permite? ¿Por qué a Xunta foi capaz de arranxalo en pouco mais dun mes no Cornuval e o concello é incapaz? Por o de ágora so nos atopamos co silencio.
Fumega anunciou a inminente adxudicación dun novo contrato para a limpeza viaria no concello do Carballiño, cunha licitación de 350 mil euros anuais e para os próximos catro anos. Co novo contrato ampliaráse o número de barredores, pasando dos 3 que realizan este servizo na actualidade aos 7 que o farán no futuro.
O alcalde rexeitou as útlimas críticas á súa xestión feitas por Espazo Común, tanto sobre o acordo de incremento da taxa da auga en base ao incremento do IPC, asi como as convocatorias da Mesa de Contratación do Ciclo Integral da Auga, acusando ao rexedor municipal de mentiroso por afirmar que estas convocatorias son públicas.
Ademáis, Fumega tivo tempo para atender as queixas, suxerencias e preguntas da audiencia de COPE O Carballiño.
Aquí podes escoitar íntegra a súa intervención deste xoves 23 de xaneiro nesta emisora de radio:
A localidade de San Paio (12 veciños) no concello de Maside manteñen viva a tradición da festa-romaría de San Pablo que desde tempos inmemorais celébrase nunha capela que este ano cumple 300 anos da súa construcción.
Este sábado 25 de xaneiro, e cunha gran carpa para o público que se achegue, actuará a partir da medianoite unha das orquestras TOP de Galicia, a Paris de Noia. Ademáis, antes pola tarde, procederáse á inauguración dun cruceiro doado por unha familia oriunda do pobo ás 6 da tarde, coincidindo coa procesión a última misa da novena.
O domingo, ademáis haberá misas durante toda a mañá, e solemne ás 13 horas, despóis a tradicional subasta de productos da terra e a XIV edición da Festa do Cocido, cun prezo por comensal de 23 euros. Amenizarán a xornada o grupo de música tradicional Feitizo de Pau e o Dúo Os Trasnos.
Adrián Fernández leva dez anos traballando como vendedor da ONCE na comarca do Carballiño, cunha ruta diaria de cinco días á semana por distintos puntos nos concellos do Carballiño, Maside e San Cristovo de Cea.
Acumula premios certamente relevantes, o último fai unhos diás no Bar Bardelás de Maside, no que vendeu un boleto premiado con 120.000 euros. Antes, nos últimos anos, na súa relación de premios están dous rascas premiados ambos con 500.000 euros, no Carballiño e San Cristovo de Cea, respectivamente.
Escoita aquí a entrevista a Adrián Fernández en COPE O Carballiño:
Un home, veciño do Carballiño e de 73 anos de idade foi encontrado morto a última hora desta mañá de lúns nun camiño entre a estrada de Pontevedra e o paseo do río Arenteiro, a escasos metros do barrio de Toscaña.
Varias patrullas da Garda Civil e Policía Local achegáronse ata o lugar do achádego, á espera de que o fixera o médico forense e as autoridades xudiciais para a autorizar o levantamento do cadáver e proceder ao se traslado para a practicarlle a autópsia e aclarar as circuntancias da morte.
Iste é o estado da depuradora de augas residuais de Mouriz.As privatizacións dos servizos públicos e para o seu mellor funcionamento..Ja Ja Ja....
Fátima Gómez, José Antonio Barge e Manuel Nogueira, participan xunto a Xan Pinal da terculia deste venres dia 17 de xaneiro de 2025.
Escóitaa aquí:
Onte foi anunciado un novo consello do BNG carballiñés para máis gloria da UPG local. Ese partido político, a Unión do pobo galego, que nunca foi xulgado polos votantes galegos porque para iso ten a vergoñenta cobardía de se agachar trala bonita marca do BNG. Onte, recurrindo o seu nutrido grupo de octaxenarios, septuaxenarios e outros xubilados ou case xubilados decidiron que o liderazgo de Sofía García era pouco productivo. Cabe pensar cómo vai ser productivo cando todo ese colectivo tan "activo e socialmente integrado" nunca, nunca, deron un paso para aportar ideas, traballo, apoio moral ou, sequera, os seus propios votos, a pesares da persistente disponibilidade de Sofía a recibír as súas aportacions. Xuntáronse depresa e correndo, sen dar voz nin explicación, explotando a posesión que manteñen das estruturas organizativas e que só usan para, coma neste caso, cortar a cabeza de quen non comulga e milita nas súa ideoloxía e, como pasa con Ana Pontón ou no seu día con Quintana, acada un liderazgo suficiente que escureza a súa coralidade, esa masa amorfa que non dá a cara mais que para fender ó medio calquera opción de medrar que teña o BNG, xa qué se o BNG medra igual perden o seu control, ou igual medra deixando de ser tan comunista e independentista como eles precisan que sexa.
E non deron a opción de construir un consello local no que ela ou algún membro do anterior consello puidese participar e aportar. E non deron a opción de recibir neste ámbito oportuno da Asamblea as merecidas explicacións que o Consello saínte reclamou pola súa expulsión. E non deron a cara, porque recurriron a figuras de emerxencia que o regulamento interno do BNG garda para situacións excepcionais e críticas. E non deron a cara porque a pesares de poder acadar o mesmo resultado cos seus medios preferiron agocharse nas saias do órgano directivo superior, Ourense, evidentemente tamén dirixido pola UPG. E non deron a cara porque aínda que o consello local contará agora cos máximos expoñentes da UPG carballiñesa, entre eles dona Áurea Francisco, consideraron que non quedaba ben poñela a ela á fronte, esa persoa que dilapidou o capital electoral do partido no 2011 e "se esfumou" sen demitir practicamente todo aquel mandato. E non deron a cara porque optaron por poñer á fronte a un exmilitante ou simpatizante do BNG e de outros partidos políticos que tivo no seu día a oportunidade de demostrar moito pero que tampouco fixo nada de nada polo BNG.
Ónde estaban estes anos nas moitas e sucesivas loitas nas que o BNG do Carballiño tivo que plantar cara a gobernos locais inoperantes ou mal operantes. Ónde estaban neste plenos municipais con cadeiras para o público valeiras ou ocupadas só por simpatizantes do PP, ESCO ou do propio PSOE. Ónde estaban cando se organizában concentracións, manifestacións e repartos. Ónde estaban nas campañas electorais, nos mitins, nas pegadas, nas megafonías, nas mesas, nas celebracións e nas derrotas. Alguén os viu? Non, estaban na cova.
Estes individuos só saben meter paus nas rodas e, a verdade, sábeno facer moi moi ben, levan case 50 anos a facelo: collen unha cara nova, deixan que coa sua sangue e esforzo alimente a árbore vella e medio podre da UPG e, cando esa pobre según eles, persoiña, acada certa autosuficiencia e pode chegar a poñer en perigo o seu control.... guillotina.
Ánimo Ana Pontón, que tí eres a seguinte
Páxinas
- « primeira
- ‹ anterior
- …
- 16
- 17
- 18
- 19
- 20
- 21
- 22
- 23
- 24
- …
- seguinte ›
- última »
