As Concelleiras Socialistas de Punxín califican de vergoñento o que está a suceder no Centro de Saúde de Punxín, que esta mañá se atopaba totalmente pechado e sen ningún tipo de información ao respecto.

Dende o Grupo Municipal Socialista en Punxín, esixen a solución inmediata desta problemática, para Peleteiro “esta non é a forma de defender o rural nin a sanidade pública”, indica ademais, “de pouco vale traer un autobús polos municipios prestando “servicios sanitarios” si a veciñanza non dispón da atención sanitaria no día a día”.

Dende o PSdeG de Punxín indican que xa en datas pasadas se reduciu o horario de atención no Centro de Saúde, prestando servicio unicamente dende as 12 horas, e sen aviso previo máis que un cartel no propio Centro de Saúde, pero esta vez, os usuarios e usuarias atopáronse coa porta pechada e sin ningún tipo de aviso.

A voceira socialista en Punxín, Lorena Peleteiro comunica que, “levaremos esta situación ao próximo pleno da corporación municipal, defender a sanidade pública e unha atención de calidade no Centro de Saúde de Punxín debe ser unha prioridade de todos e todas, e condeamos que unha vez máis o grupo de goberno mire para outro lado e non sexa quen de defender á veciñanza de Punxín”.

O concello do Irixo, en relación as queixas manifestadas publicamente dende a Asociación da Banda de Gaitas desta localidade, ven de publicar un comunicado informativo, que reproducimos na súa integridade:

"A banda de gaitas e danzas do Irixo leva anos levando o nome do noso concello por diversos lugares do mundo ( Argentina, Francia, Suiza, Pais Vasco,…), asi como sendo formadora da nosa cultura e folclore galego en moitas xeracións de nenos e nenas do Irixo e a súa contorna, que o longo de estos anos levan pasando por ela.

Era habitual que país, avos destes nenos estiveran desexando que chegasen as festas patronais das distintas parroquias do noso concello para ir ver tocar e bailar os seus rapaces. Pero dun tempo a esta parte esto foi desaparecendo.

Desde fai uns anos decidiuse que a xestión da banda fose levada por unha asociación, que é a mesma que a esta a xestionar nas datas actuáis.

A pesar de que a xestión da banda era a través de dita asociación, segue sendo o concello quen se fai cargo de todos os gastos ocasionados pola banda :
•Por un lado concedeselle a dita asociación unha subvención anual de 7.200 €, sóamente para os gastos de impartición das clases presenciais que se lle dan os alumnos os sábados pola maña. Nas anualidades 2020 e 2021 esta cantidade reduciuse debido o covid, que impideu que estas clases presenciais se pudesen realizar. Habendonos comprometido dende o concello que na anualidade 2.022 esta cantidade volvería a ser a inicial de 7.200 € no momento no cal se aprobasen os presupostos e eles nos xustificasen dito gasto ( mesmos requisitos que se lle esixen a todas as asociación as cales se lle conceden subvencións nominativas)
•Aparte de esta subvención nominativa o concello faise cargo do mantemento e gastos do local de ensaio ( compra de armarios, compra e estufa de pellets,…).
•Asimismo cando participan en diversos destivais facemonos cargo de traslados ( por ejemplo recentemente a Xunqueira de Ambia )
•Somos os encargados de organizar e sufragar os gastos ocasionados polo festival musical que se celebra no mes de Xullo do concello no que participan varias bandas.

A cambio de todo esto, dende o concello sóamente lle pedimos a asociación que seguirán impartindo e espallando a nosa cultura galega entre os nosos cativos.
Asicomo que seguirán participando de xeito gratuito e como viña facendo a banda dende tempos pasados nos actos municipais, o unas mismas patronais das nosas parroquias.

Visto que estas actuacións se deixaron de facer e sóamente asisitían as misas patronais se a súa actuación era remunerada, asicomo o descenso de nenos na banda, ou as queixas que empezamos a recibir dos país dos nenos, foi cando empezaron os problemas coa a asociación que a esta a xetionar.
Queremos deixar claro desde este momento que en canto se aproben os presupostos municipais a asociación si se lle van abonar estos 6 meses que impartiron clases.

E sobretodo queremos transmitir a todos os país e demais vecinos do Irixo, que en ningún momento se pensou en desfacer a banda nin en cerrar a escola de música, A BANDA DE GAITAS DO IRIXO VAI SEGUIR FUNCIONANDO, sóamente que vamos a cambiar a xestión da mesma. Un cambio que esperemos que redunde nun mellor funcionamento en un mellor aproveitamento dos recursos".

A Banda de Gaitas O Irixo, reclama ao Concello do Irixo o pago das clases impartidas polo profesorado nos últimos dous cursos. Indican, a través dun comunicado feito público, que "devanditos pagos e contías foran acordados mediante a firma dun convenio de colaboración entre ambas as entidades en 2020 asinado polo alcalde do Irixo e a secretaria do Concello, incumprido posteriormente, asi como acordos verbais ao comezo dos cursos 2021 e 2022.

O profesorado da Banda de Gaitas do Irixo, en virtude dos devanditos acordos, impartiu as clases establecidas durante todo este período, sen recibir a cambio os pagos". O pasado sábado día 18 de xuño de 2022, a agrupación musical facía público nas súas redes sociais, a paralización das actividades educativas na Banda de Gaitas do Irixo, debido á falta de pagamento ao profesorado por parte do Concello do Irixo. A Asociación de Gaiteiros do Irixo (asociación sen ánimo de lucro vinculada á Banda de Gaitas O Irixo), que no ano 2020 asinou un acordo de colaboración co Concello, no que a corporación municipal comprometíase-aseguran- a destinar unha contía de 7200 Euros anuais á Asociación para o pago de profesorado, leva desde ese mesmo momento sen recibir a contía total acordada e destinada a tal fin. Dita contía, permite sufragar os custos de profesorado para Gaita e Percusión unicamente, manifestan.

Dende a directiva da asociación, subliñan que en varias ocasións tratou de buscar medios alternativos para recuperar o diñeiro e seguir mantendo a escola, acordara co rexedor Manuel Cerdeira (en xaneiro de leste mesmo ano 2022), cobrar as tres actuacións máis importantes do municipio por medio dunha subvención da Deputación de Ourense. Así mesmo, na devandita reunión, o rexedor garantiu que se destinaría a contía de 7200 Euros para o pago de profesorado durante o curso 2022. Por unha banda, aclaran dende este colectivo, para a solicitude desas tres actuacións, o Concello actuaría de promotor das actuacións e desta maneira devolvería o diñeiro debido á agrupación. As tres actuacións subvencionadas acordadas serían: a romaría da “Pena dá Sela” na parroquia de Dadín, o Festival Músico - Cultural que ten lugar cada verán desde o ano 2019 no concello, e a festa de Santa María, na parroquia de Ou Campo o 15 de agosto. Manifestan a súa sorpresa, tanto da directiva como do alumnado da agrupación musical, porque "a corporación municipal só solicitou a Banda de Gaitas para a actuación da festa do 15 de agosto. Desta maneira, a actuación da romaría da “Pena dá Sela”, na que a Banda de Gaitas O Irixo participaba tradicionalmente, queda sen subvención e sen actuación da agrupación".

Os compoñentes da Banda de Gaitas O Irixo lamentan "non poder participar neste evento e non entenden a actitude conflitiva, chantajista e pouco profesional da corporación municipal". Quéixanse da falta de compromiso, seriedade e respecto cara a un grupo de case 30 músicos de diferentes idades e localidades, que levan o nome do Concello por toda a provincia e tamén fóra dela". Por outra banda, da contía orzamentaria de 7200 euros correspondente ao 2022, a día de hoxe, aseguran que a asociación non percibiu ningún ingreso, de forma similar ao sucedido en anteriores cursos.

Isto, "xunto coa non solicitude das actuacións acordadas, imposibilita tanto a execución do pago ao profesorado durante o curso corrente, como o pago de contías debidas en cursos anteriores". Desde a directiva da Asociación de Gaiteiros do Irixo, reclaman ao Concello do Irixo "o reintegro das contías acordadas, para así poder executar os pagos pendentes, recuperar as actividades didácticas e continuar co labor cultural e social da Banda de Gaitas do Irixo".

Armando (Armando Montero Vidal) é un alumno do IES Chamoso Lamas que ven de rematar os seus estudos de Bacharelato no bacharelato para adultos que se imparte no centro. Armando naceu en Veracruz (México), aínda que viviu parte da súa vida na Baixa California. Un accidente truncou os seus estudos ao deixalo en silla de rodas e con outras problemáticas de saude asociadas.

Fai xa uns anos que chegou ao Carballiño, acollido por un familia do noso pobo. Despois de realizar a proba de acceso á Universidade para maiores de 25 anos, matriculouse en Informática na UNED, pero diuse conta de que despois de tantos anos sen estudar faltábanlle por coñecer moitas cousas básicas. Pero lonxe de rendirse, decidiu empezar dende abaixo e matriculouse no IES Chamoso Lamas para sacar o título de ESO por adultos, a coñecida como ESA.

Unha vez que rematou, decidiuse por facer o Bacharelato Tecnolóxico no noso centro, que pandemia polo medio e uns cantos avatares máis, ven de rematar neste pasado curso con éxito. Un éxito que foi a base de esforzo e como di el mesmo, "de ganas, con ganas o resto non importa".

No IES Chamoso Lamas veñen de facerlle un pequeno agasallo, a el que tanto lle gusta a lectura, porque alumnos como Armando son un espello no que ás veces mirarnos. Sorte nos próximos estudos que inciará xa en setembro, aínda que estamos seguros de que lle irá ben.

O concello do Carballiño fixo público un comunicado informativo no que da conta do punto de vista do alcalde do Carballiño Francisco Fumega, na súa condición de patrón do padroado da Fundación Irmáns Prieto, propietaria do Asilo do Carballiño, e no que trata de aclarar diversos asuntos que foron motivo de contraversia na vida municipal e social dos últimos meses no Carballiño. No comunicado emitido polo concello manifestan:

As propiedades que os Irmáns Prieto deixaron á súa morte en favor dos veciños do Carballiño están rexistradas a nome do Asilo do Carballiño ou a nome dos Irmáns Prieto, segundo comprobou o Concello ao interesarse pola situación das mesmas. Logo da inquedanza veciñal xurdida en relación á situación do Asilo e do patrimonio que no seu día doaron os Irmáns Prieto para que servisen como bens en favor dos veciños do Carballiño, o Concello solicitou do padroado da Fundación que xestiona a entidade e da Diócese de Ourense a información correspondente no que se refire á titularidade dos bens patrimoniais. Segundo as certificacións rexistrais ás que tivo acceso o Concello tanto as propiedades do Asilo, entendendo por tales o edificio do propio Asilo e a coñecida como a Casa do Crego –o sacerdote do propio Asilo- e o edificio que alberga o Colexio das Monxas están rexistradas a nome do Asilo do Carballiño ou dos propios Irmáns Prieto. Polo que respecta aos inmobles situados en Madrid, as certificacións rexistrais reflicten que seguen como bens patrimoniais da entidade tres edificios na referida cidade. Unha das fincas urbanas está ubicada na rúa Serrano de Madrid, no número 78, e o titular do 100% é o Asilo de Anciáns de Carballiño.

Coas mesmas condicións, é dicir o 100% do pleno dominio, figura a casa situada na rúa Noviciado nº 6. O mesmo ocorre, é dicir 100% do dominio e tendo como titular da propiedade ao Asilo de Anciáns do Carballiño, co inmoble situado na rúa San Ignacio número 1 de Madrid. Así as cousas, o Asilo de Anciáns do Carballiño é o titular de dous edificios no Carballiño, o Asilo e a Casa do Crego, e tres casas en Madrid, as ubicadas en Serrano 78, Noviciado 6 e San Ignacio 1. O Concello do Carballiño tamén se interesou pola situación na que se atopa o edificio da Praza dos Irmáns Prieto, o inmoble que ocupa dende hai décadas o Colexio Sagrado Corazón. Una vez solicitada a información correspondente ante o Rexistro da Propiedade do Carballiño o que se pode comprobar é que o referido edificio da Praza Irmáns Prieto, o inmoble que acolle o Colexio Sagrado Corazón, é unha propiedade que figura, dende o 17 de xullo de 1913, a nome dos irmáns Leandro e Adelaida Prieto Pereira. É dicir, que os titulares da propiedade son os Irmáns Prieto.

Un Centro de Día, o próximo servizo

A próxima iniciativa a desenvolver nas instalacións carballiñesas será a creación dun Centro de Día, segundo acaba de avanzar a directora do Asilo do Carballiño, Nuria Iglesias. Ao parecer o proxecto xa estaba en carteira hai tempo, aínda que a pandemia e as restricións sanitarias provocaron que se paralizase a iniciativa. A creación dun Centro de Día no Asilo do Carballiño virá a dar resposta a unha vella inquedanza, xa que foron os propios veciños da vila os que trasladaron á institución a necesidade de contar cun servizo que permita ás persoas maiores pasar o día e xantar no Asilo, mantendo a independencia de seguir residindo e durmindo no seu domicilio.

Polo que respecta ao funcionamento do Asilo do Carballiño, segundo o informe da fundación que o xestiona, na actualidade o número de residentes é de 110. Desta cantidade os novos residentes son 53, sendo 40 deles orixinarios da comarca carballiñesa. Do total de residentes son 49 as persoas becadas, destinando a estas axudas un montante de 226.039,12 euros no ano 2021. Destes 49 becados 47 son da comarca do Carballiño. Segundo a estatística da propia institución benéfica, como se pode comprobar no histórico da xestión, o Asilo destinou máis de UN MILLÓN DE EUROS nos últimos cinco anos a becar a persoas necesitadas. Entre outros datos, compre salientar que o Asilo do Carballiño conta con 61 traballadores, dos cales un total de 52 son persoas da comarca carballiñesa.

No referido ao apartado de provedores, segundo os datos aportados pola Fundación Hermanos Prieto, o Asilo ten 32 firmas suministradoras. Desta cantidade a práctica totalidade, todas menos unha, son empresas do Carballiño. E a outra é unha firma de San Cristovo de Cea. En relación á nova situación do Asilo do Carballiño compre salientar que se mellorou na atención ao incentivar a profesionalización da plantilla, o aumento dos días libres ou a axeitar a ratio de usuarios por traballador.

No caso dos residentes agora contan cun servizo de ceas quentes, cousa que non existía na anterior etapa. Dende o Concello do Carballiño tamén se quere deixar claro, en relación á situación laboral, que a administración local confía na equidade dos tribunais e respectará todas e cada unha das decisións que adopten os mesmos. Sen cambios estatutarios no referido á adopción de acordos Os estatutos da Fundación Irmáns Prieto manteñen as mesmas condicións que sempre tiveron no referido á adopción dos acordos e non se fixo cambio de ningún tipo neste apartado.

O padroado está composto por tres persoas e a adopción dos acordos faise por maioría. Nunca, nin no pasado nin no presente, se fixou a regra de que os acordos debesen sen aprobados por unanimidade. Na escritura fundacional sinálase que o Padroado estaría composto orixinariamente por 5 membros (incluíndo dous dos Irmáns Prieto) e despois por 3 (logo do pasamento dos referidos irmáns). En ningún momento se fai referencia a unha forma específica dos acordos, co que sendo un número impar de membros no padroado a adopción dos mesmos obviamente deberá ser por maioría. No que aos Estatutos se refire, os mesmos tiveron que ser obrigatoriamente adaptados á Lei de Fundacións de Interese Galego de 2006, aprobándose os mesmos no ano 2009. Compre reparar neste punto que naquel momento o Sr. Pachi Vázquez era membro do goberno da Xunta de Galicia na súa condición de conselleiro de Medio Ambiente.

Nos novos estatutos non se modificou aspecto algún referido á adopción de acordos e o único que se fixo foi adaptar os mesmos ao que esixe a Lei 12/2006, de 1 de decembro, da Xunta de Galicia. A referida lei prevé o que se sinala de seguido: Artigo 15.-Padroado. 1. En toda fundación deberá existir, coa denominación de padroado, un órgano de goberno e de representación dela, que adoptará os seus acordos por maioría nos termos establecidos nos estatutos. 2. Correspóndelle ao padroado cumprir os fins fundacionais e administrar con dilixencia os bens e os dereitos que integran o patrimonio da fundación, mantendo o seu rendemento e a súa utilidade. Artigo 16.-Composición do padroado. 1. O padroado é un órgano colexiado que estará integrado polo número de membros que determinen os seus estatutos, cun mínimo de tres. O padroado contará cun presidente. 2. Ao presidente do padroado, que deberá ser un membro del, correspóndelle presidir as xuntanzas do padroado e dirixir os debates, así como representar a fundación perante todo tipo de persoas ou entidades, agás naqueles supostos concretos nos que o padroado delegue tal representación nalgún dos seus membros ou outorgue un poder notarial para tal efecto."

Como se pode comprobar, é unha Lei do Parlamento de Galicia (aprobada sendo conselleiro da Xunta de Galicia Pachi Vázquez) a que establece o sistema de maiorías e non de unanimidade para a adopción de acordos. Todo iso relacionado cunha Fundación que xa non contemplaba con anterioridade o requisito da unanimidade, manifesta o alcalde do Carballiño

O alcalde do Carballiño aportou hoxe diversa información relativa á xestión da Fundación Irmáns Prieto, e máis concretamente sobre todo o proceso de actualización na xestión do Padroado do que forma parte dende o ano 2018. Fumega negou que se modificasen os estatutos do Padroado "non é certo que os acordos tivesen que ser por unanimidade, dende a creación da Fundación os acordos no padroado foron continúan sendo por maioria, nunca por unanimidade, non houbo ningunha modificación, tan so se foron adaptando dende o ano 1913 ata a actualidade por imperativo legal".

O rexedor municipal adreditou que "todas a propiedades, tanto no Carballiño como en Madrid, están rexistradas ben a nome da Fundación ou do Asilo". Fumega é membro do padroado dende 2018 e foi nese momento cando se actualizou o padroado, xa que ata ese momento apenas tiña actividade "como proba o feito que ata o 2018 figuraba Pachi Vázquez como membro do mesmo". 

Fumega entende que "o asilo nunca estivo mellor" e que pode acreditálo "tras realizar varias visitas por sorpresa nos últimos meses". Tamén considera que é importante a ampliación no número de prazas de residentes, que pasaron das 84 de fai dous anos ás 110 da actualidade "mellorandose de forma notable tanto na calidade de atención como nos ratios de funcionamento", dixo.

Asemade, destacou o alcalde carballiñés o feito de que "o 40% dos residentes contan cunha beca da Fundación, o que permite cubrir os gastos da súa praza, en total nos últimos anos investironse en becas 1 millón de euros por parte da Fundación, destinano ás persoas usuarias con menos recursos, tan so no último ano destináronse a esta finalidade 265.000 euros", asegurou.

Fumega non quixo pronunciarse sobre o conflicto laboral no xeriátrico carballiñés, limitandose a manifestar que é un asunto que está xudializado e non lle corresponde ao alcalde avaliar.

No PODCAST de COPE O Carballiño correspondente ao dia 30 de xuño podes escoitar éstas e outras manifestacións do alcalde do Carballiño sobre este asunto.